శర్వానంద్ హీరోగా శ్రీనువై వైట్ల దర్శకత్వంలో రూపొందుతున్న జార్జ్ క్రిష్ ఇవాళ లాంఛనంగా ప్రారంభమయ్యింది. అనూప్ రూబెన్స్ సంగీతం సమకూరుస్తున్న ఈ మూవీ ఎంత కాంపిటీషన్ ఉన్నా వెనుకడుగు వేసేలా లేదు.

నిజానికి ఇలాంటి ప్లానింగ్ గురించే ఇటీవల లెనిన్ సక్సెస్ ఈవెంట్ లో నాగార్జున చెప్పింది. మనం హాలీవుడ్ మేకర్స్ లాగా ఒక డేట్ ప్రకటించాక దానికి కట్టుబడి ఉండలేకపోతున్నామని, కనీసం రెండు వారాల ముందు ఫస్ట్ కాపీ సిద్ధం కావడం లేదని ఆవేదన వ్యక్తం చేశారు. ఇది కేవలం ప్యాన్ ఇండియా సినిమాలకే కాక మీడియం బడ్జెట్ మూవీస్ కూ ఎదురవుతున్న సమస్య. అలాంటిది అనిల్ సుంకర ఇంత పక్కాగా లాక్ చేసుకోవడం అందరూ ఆలోచించాల్సిన విషయం.

ఆగస్ట్, జనవరి మినహాయిస్తే కేవలం నాలుగు నెలల సమయం మాత్రమే ఉంటుంది. షూటింగ్, పాటలు, ప్రమోషన్లు, పోస్ట్ ప్రొడక్షన్ వగైరా అన్ని ఈలోగానే పూర్తి చేసుకోవాలి. ఈ సంవత్సరం సంక్రాంతికి నారి నారి నడుమ మురారితో అనిల్ సుంకర హిట్టు కొట్టిన సంగతి తెలిసిందే. మళ్ళీ ఈ ఘనత రిపీట్ చేయబోతున్నారు. నిజానికి ఈ కాంబో మైత్రి బ్యానర్ లో అనుకున్నారు కానీ చివరికి ఏవేవో కారణాల వల్ల ఏకె ఎంటర్ టైన్మెంట్స్ తెర మీదకు వచ్చి టేకప్ చేసింది.

దర్శకుడు శ్రీను వైట్ల తన బలమైన వినోదాన్ని మరోసారి నమ్ముకోబోతున్నారు. టైటిల్ జార్జ్ క్రిష్ అని పెట్టడం చూస్తే ఏదో వెరైటీ ప్రయోగం లాగే అనిపిస్తోంది. ఒకప్పుడు ఆనందం, దూకుడు లాంటి బ్లాక్ బస్టర్స్ ఇచ్చి ఫన్ కి కేరాఫ్ అడ్రెస్స్ గా నిలిచిన శ్రీను వైట్ల ఆగడు తర్వాత స్పీడ్ తగ్గించారు. గోపీచంద్ విశ్వం అంచనాలు పూర్తిగా అందుకోకపోయినా ఈసారి జార్జ్ క్రిష్ తో హిట్టు కొడతారనే నమ్మకం ఆయనలో కనిపిస్తోంది. దీనికన్నా ముందు శర్వా భోగి కొత్త రిలీజ్ డేట్ ఇంకా లాక్ కావాల్సి ఉంది.