బ్లాస్ట్ జోన్ మూవీ ప్రమోషన్స్ పై ప్రశ్నలకు నాగవంశీ కామెంట్లు వైరల్ అయ్యాయి.

బ్లాస్ట్ జోన్ ప్రమోషన్లు

యాక్షన్ కింగ్ అర్జున్ సర్జా, ప్రీతి ముకుందన్ ప్రధాన పాత్రల్లో కోలీవుడ్‌లో వచ్చిన మూవీ 'బ్లాస్ట్'. ఇది బ్లాక్‌బస్టర్‌గా నిలిచింది. ఈ 'బ్లాస్ట్' చిత్రాన్ని తెలుగులో 'బ్లాస్ట్ జోన్' (Blast Zone) పేరుతో నాగవంశీ డిస్ట్రిబ్యూట్ చేశాడు. అయితే, ఈ సినిమాకు కనీస ప్రమోషన్స్ కూడా చేయకపోవడం వెనుక ఉన్న 'మెగా' రహస్యాన్ని అతను తాజాగా బయటపెట్టాడు.

నాగవంశీ సేఫ్ గేమ్!

తెలుగులో 'బ్లాస్ట్ జోన్' రిలీజ్ అయిన టైమ్‌లోనే మెగా ఫ్యామిలీకి చెందిన మోస్ట్ అవేటెడ్ మూవీ 'పెద్ది' (Peddi) కూడా థియేటర్లలోకి వచ్చింది. ఈ నేపథ్యంలోనే ఎందుకు సైలెంట్ గా ఉన్నారనే ప్రశ్నకు నాగవంశీ తాజాగా లెనిన్ ప్రమోషనల్ ఇంటర్వ్యూలో ఎంతో ప్రాక్టికల్‌గా సమాధానమిచ్చారు.

మెగా ఫ్యామిలీని

"ఒకవైపు మెగా ఫ్యామిలీకి చెందిన అంత పెద్ద సినిమా రిలీజ్ అవుతుంటే, నేను ఈ చిన్న డబ్బింగ్ సినిమాను అగ్రెసివ్‌గా ప్రమోట్ చేయడం బిజినెస్ పరంగా కరెక్ట్ కాదు. ఒకవేళ నేను ఆ సమయంలో దీనికి భారీగా పబ్లిసిటీ ఇచ్చి ఉంటే.. 'నాగవంశీ కావాలనే ఫ్యామిలీని టార్గెట్ చేస్తున్నాడు, దానికి పోటీగా నిలబెడుతున్నాడు' అని ఇండస్ట్రీలో అనవసరపు గాసిప్స్ వచ్చేవి. అందుకే వివాదాలు ఎందుకని వెనక్కి తగ్గానని'' నాగవంశీ చెప్పాడు.

ప్రమోట్ చేసుంటే

ఇండస్ట్రీ ట్రేడ్ విశ్లేషకుల ప్రకారం.. 'బ్లాస్ట్ జోన్' చిత్రానికి థియేటర్లలో మంచి టాక్ వచ్చింది. ఒకవేళ సితార టీం గనుక దీనికి గట్టిగా హైప్ ఇచ్చి ఉంటే, బి అండ్ సి సెంటర్లలో వసూళ్లు మరింత పెరిగేవి. అయితే, టాలీవుడ్‌లో థియేటర్ల కంట్రోల్, మెగా ఫ్యామిలీతో ఉన్న సత్సంబంధాల దృష్ట్యా నాగవంశీ తీసుకున్న నిర్ణయం కరెక్ట్ అని కొందరు సమర్థిస్తుండగా, మరికొందరు మాత్రం చిన్న సినిమాను బలిచేశారని విమర్శిస్తున్నారు.

నాగవంశీ ఓపెన్ కామెంట్లు ఇప్పుడు వైరల్ గా మారాయి. మెగా వర్సెస్ సితార ఈక్వేషన్ల గురించి అతను ఓపెన్‌గా మాట్లాడటం ఇప్పుడు సోషల్ మీడియాలో హాట్ టాపిక్‌గా మారింది. మరోవైపు తమిళంలో బ్లాస్ట్ మూవీ, తెలుగులో పెద్ది సినిమా కలెక్షన్ల మోత మోగించిన సంగతి తెలిసిందే.

Chandu Shanigarapu