అటు సోషల్ మీడియాలో, ఇటు ఇంటర్నెట్ లో రాకాస గురించే డిస్కషన్ సాగుతోంది. మరి ఈ మూవీ ఇంత పెద్ద హిట్ కావడానికి కారణాలు ఇక్కడ చూసేద్దాం.

పాప ఎమోషన్

అతనో బ్రహ్మ రాక్షసుడు. కొన్ని వందల ఏళ్లకు ఒకసారి బలి కోరతాడు. అప్పుడు ఊరి నుంచి ఒక మనిషిని పంపించాల్సిందే. అలాంటి రాక్షసుడు ఓ పాప ప్రేమ ముందు తలవంచాడనే పాయింట్ రాకాసను స్పెషల్ గా మార్చింది. బలిగా పంపించిన పాపను ఆ రాక్షసుడు చంపకుండా, తనే అన్నీ అయి పెంచుకుంటాడు. ఆ పాప చనిపోతే, ఆ బాధను మోస్తూనే ఉంటాడు. చివరకు ఆ పాప జ్ణాపకాలతోనే ఈ లోకాన్ని వదిలి వెళ్తాడు.

రాక్షసుడు, పాప మధ్య అనుబంధాన్ని రాకాస మూవీలో చాలా చక్కగా చూపించారు. ఎంతటి కఠినాత్ముడు అయినా పసి పాప మోము చూసి కరగాల్సిందే అనే విషయాన్ని బలంగా చాటారు.

ఫ్యూర్ కామెడీ

ఈ మధ్య కామెడీ అంటే డబుల్ మీనింగ్ డైలాగ్ లు, అసభ్యకర పదాలు, అర్థం పర్థం లేని హావభావాలు గా మారిపోయింది. కానీ రాకాస సినిమాలో మాత్రం ఫ్యూర్ కామెడీని చూడొచ్చు. అందుకే ఎలాంటి ఇబ్బంది లేకుండా ఫ్యామిలీలకు ఫ్యామిలీలు ఈ సినిమాను చూడటానికి థియేటర్లకు వెళ్తున్నాయి. సంగీత్ శోభన్, వెన్నెల కిశోర్, గెటప్ శ్రీను కాంబినేషన్లో కామెడీ పేలింది.

ప్రమోషన్

సినిమా నిర్మాణం కోసం ఎన్ని రూ.కోట్లు పెట్టామన్నది కాదు, ఆ సినిమాను జనాలకు ఎంత దగ్గరగా తీసుకెళ్లామన్నదానిపైనే మూవీ సక్సెస్ ఆధారపడి ఉంటుంది. ఇప్పుడు రాకాస టీమ్ కూడా అదే చేస్తోంది. సినిమా ప్రమోషన్లను డిఫరెంట్ గా ప్లాన్ చేసింది. టీవీ, సోషల్ మీడియా, యూట్యూబ్ ఇలా దేన్నీ వదల్లేదు. ఈ విషయంలో ప్రొడ్యూసర్ నిహారిక ఎక్కడా తగ్గలేదు. పైగా గ్లోబల్ స్టార్ రామ్ చరణ్ ప్రమోషనల్ ఇంటర్వ్యూతో మూవీకి పాజిటివ్ బజ్ క్రియేట్ అయింది.

స్టోరీ అండ్ స్క్రీన్ ప్లే

హారర్ థ్రిల్లర్, అందులో ఎమోషన్ యాడ్ చేసి తీయడం అంత ఈజీ కాదు. చిన్న తేడా కొట్టినా సినిమా మొత్తం మీద ఎఫెక్ట్ పడుతుంది. కానీ లేడీ డైరెక్టర్ మానస శర్మకు ఈ విషయంలో ఫుల్ మార్క్స్ పడ్డాయి. ఎక్కడా బోర్ కొట్టకుండా సినిమాను ఆమె ముందుకు నడిపించింది. చందమామ కథ లాంటి మూవీని నేటి జనరేషన్ కు తగ్గట్లుగా మలిచింది.

నేచురల్ యాక్టింగ్

ఇక రాకాస మూవీ విజయానికి మరో ప్లస్ పాయింట్ నేచురల్ యాక్టింగ్. సంగీత్ శోభన్ తన సహజమైన నటనతో అదరగొట్టాడు. అలవోకగా కామెడీ పండించాడు. తన టైమింగ్ తో అలరించాడు. గెటప్ శ్రీను, వెన్నెల కిశోర్, నయన్ సారిక కూడా తమ సపోర్ట్ ను గొప్పగా అందించారు.

Chandu Shanigarapu