ఏలూరు, మే 18 (హి.స)

ఏలూరు జిల్లా జంగారెడ్డిగూడెం మండలం కొంగవారిగూడెం వద్ద గల ఎర్రకాలువ జలాశయంలో మత్స్యకారులకు 37 కిలోల బరువున్న భారీ చేప చిక్కింది.

ఆరు నెలల సుదీర్ఘ విరామం తర్వాత వేటకు వెళ్లిన స్థానిక మత్స్యకారుల వలకు ఈ భారీ జలచరం దొరకడం విశేషం.ఈ భారీ చేపను విక్రయించేందుకు పుట్లగట్లగూడెం గ్రామానికి తీసుకురాగా, దానిని చూసేందుకు స్థానికులు భారీగా తరలివచ్చారు. ఆరు నెలల విరామం తర్వాత ఇంత పెద్ద చేప పడటంతో మత్స్యకారులు సంతోషం వ్యక్తం చేశారు. కాగా, ఈ భారీ చేపను అదే ప్రాంతానికి చెందిన మువ్వా అభిరామ్ అనే స్థానిక వ్యక్తి రూ.9,250 చెల్లించి కొనుగోలు చేశారు.

---------------

హిందూస్తాన్ సమచార్ / నిత్తల రాజీవ