ఈ మొదటి విడత యాత్రికులు మొత్తం 259 ప్రత్యేక వాహనాలలో కట్టుదిట్టమైన రక్షణ వలయం నడుమ బయలుదేరారు. జమ్మూ కాశ్మీర్ లెఫ్టినెంట్ గవర్నర్ మనోజ్ సిన్హా అమర్నాథ్ యాత్ర 2026 ప్రారంభానికి ముందు బాబా బర్ఫానీకి అధికారిక 'ప్రథమ పూజ' నిర్వహించి, మొదటి బ్యాచ్ యాత్రికులను జెండా ఊపి పంపించారు. సుమారు 4,800 మంది భక్తులు 259 వాహనాల్లో కట్టుదిట్టమైన భద్రత నడుమ యాత్రను ప్రారంభించారు. 57 రోజుల పాటు సాగే ఈ యాత్ర ఆగస్టు 28న ముగుస్తుంది. భక్తుల రక్షణ, పర్యవేక్షణ కోసం ఈసారి అధికారులు సరికొత్త సాంకేతికతను ఉపయోగిస్తున్నారు. యాత్రికుల కదలికలను ఎప్పటికప్పుడు గమనించడానికి ప్రతి ఒక్కరికీ ఆర్ఎఫ్ఐడి (RFID) ట్యాగ్లను తప్పనిసరి చేశారు. కాశ్మీర్ లోయలోని బల్తాల్ మరియు పహల్గామ్ అనే రెండు సాంప్రదాయ మార్గాల ద్వారా ఈ యాత్రికులు హిమాలయాల్లోని మంచు లింగాన్ని దర్శించుకోనున్నారు. శాంతిభద్రతల సమస్యలు తలెత్తకుండా కేంద్ర బలగాలు, జమ్మూ కాశ్మీర్ పోలీసులు మార్గమంతటా భారీ భద్రతను ఏర్పాటు చేశారు. భక్తుల సౌకర్యార్థం ఉచిత వైద్య శిబిరాలు, లంగర్లు (అన్నదాన కేంద్రాలు) మరియు తలదాచుకునేందుకు ప్రత్యేక టెంట్లు సిద్ధం చేశారు.

---------------

హిందూస్తాన్ సమచార్ / Santhosha Laxmi