ఆసిఫాబాద్, 04 జూలై (హి.స.) అణగారిన వర్గాల ఆత్మగౌరవానికి ప్రతీక దొడ్డి కొమురయ్య అని ఆసిఫాబాద్ జిల్లా అదనపు కలెక్టర్ యువరాజ్ మార్మట్ అన్నారు. శనివారం కలెక్టరేట్ లో బీసీ సంక్షేమ శాఖ ఆధ్వర్యంలో నిర్వహించిన దొడ్డి కొమురయ్య వర్ధంతి కార్యక్రమంలో అదనపు కలెక్టర్ డేవిడ్, డీఆర్వో దాసరి వేణు తో కలిసి ఆయన పాల్గొని కొమురయ్య చిత్రపటానికి పూలమాలలు వేసి నివాళులర్పించారు.