భక్తులు సమర్పించే కానుకలు, విరాళాల లెక్కింపు ప్రక్రియలో ఎలాంటి అక్రమాలకు తావులేకుండా ఉండేందుకు ఆలయ అధికారులు భద్రతను గణనీయంగా పెంచారు.అయోధ్య ఆలయంలో నగదును దుస్తులు, బూట్లలో దాచి తరలిస్తున్నట్లు ప్రత్యేకాధికారుల దర్యాప్తులో తేలడంతో, ఆ తరహా ఘటనలు పునరావృతం కాకుండా మహావీర్ ఆలయంలో కఠినమైన నిబంధనలు అమలులోకి తెచ్చారు. ఇకపై విరాళాల లెక్కింపు గదిలోకి సిబ్బంది మొబైల్ ఫోన్లు, బ్యాగులు తీసుకువెళ్లడంపై పూర్తిగా నిషేధం విధించారు. నిఘాను పటిష్టం చేసేందుకు లెక్కింపు జరిగే ప్రాంతమంతా అదనపు హై-డెఫినిషన్ సీసీటీవీ కెమెరాలను ఏర్పాటు చేశారు. అలాగే డబ్బును లెక్కించే సిబ్బంది కదలికలపై నిరంతర పర్యవేక్షణ ఉండేలా ప్రత్యేక భద్రతా సిబ్బందిని రంగంలోకి దించారు. భక్తుల నమ్మకాన్ని కాపాడటంతో పాటు విరాళాల నిర్వహణలో పూర్తి పారదర్శకతను తీసుకురావడమే ఈ ఆకస్మిక భద్రతా మార్పుల ప్రధాన ఉద్దేశమని ఆలయ వర్గాలు వెల్లడించాయి.

---------------

హిందూస్తాన్ సమచార్ / Santhosha Laxmi