అంధేరి, కింగ్స్ సర్కిల్, గాంధీ మార్కెట్ వంటి కీలక ప్రాంతాలలో రోడ్లపై నీరు చేరడంతో ట్రాఫిక్కు తీవ్ర అంతరాయం ఏర్పడింది. వర్షాల తీవ్రతకు దాదర్ రైల్వే స్టేషన్లోని పట్టాలు కూడా నీట మునిగాయి.ఈ నేపథ్యంలో భారత వాతావరణ శాఖ (IMD) ముంబైతో పాటు థానే, పాల్ఘర్, రాయ్గడ్ జిల్లాలకు తక్షణ రెడ్ అలర్ట్ జారీ చేసింది. బలహీనమైన నిర్మాణాలు, లోతట్టు ప్రాంతాలు, విద్యుత్ స్తంభాలు మరియు చెట్లకు దూరంగా ఉండాలని అధికారులు ప్రజలను హెచ్చరించారు. గత 24 గంటల్లో ములుండ్, మన్ఖుర్ద్ వంటి ప్రాంతాలలో 220 మిల్లీమీటర్లకు పైగా భారీ వర్షపాతం నమోదైంది. రాబోయే నాలుగు నుండి ఐదు రోజులలో కొంకణ్ తీరం, గోవా మరియు దక్షిణ గుజరాత్ పరిసర ప్రాంతాలలో అత్యంత భారీ వర్షాలు కురిసే అవకాశం ఉందని వాతావరణ కేంద్రం స్పష్టం చేసింది.

---------------

హిందూస్తాన్ సమచార్ / Santhosha Laxmi