సిద్దిపేట, 04 జూలై (హి.స.) మాజీ మంత్రి, బీఆర్ఎస్ డిప్యూటీ ఫ్లోర్ లీడర్ హరీశ్ రావు గొప్ప మనసు చాటుకున్నారు. సిద్దిపేట జిల్లా కొండపాకలో శ్రీ సత్య సాయి సంజీవని చైల్డ్ హార్ట్ కేర్ & రీసెర్చ్ సెంటర్ను హరీశ్ రావు, సినీ నటుడు విజయ్ దేవరకొండతో కలిసి సందర్శించారు.
ఈ సందర్భంగా ఆస్పత్రి అందిస్తున్న అమూల్యమైన సేవలను గురించి డాక్టర్లను ఆడిగి తెలుసుకున్నారు. శ్రీ సత్య సాయి సంజీవని చైల్డ్ హార్ట్ కేర్ ఆసుపత్రికి నా ఒక సంవత్సరం వేతనాన్ని డొనేట్ చేస్తున్నట్టు ప్రకటించారు.
ఈ రోజే చెక్ కూడా అందిస్తానన్నారు. ఇంకా ప్రాణం ఉంటుందో.. పోతుందో ఎలా అని కొట్టుమిట్టాడుతున్నట్వంటి వారికి ఇది నిజంగా ఒక దేవాలయం. దేవుడి ఎలా వరమిస్తాడో నేను బతుకుతానో పోతానో అని ఇక్కడికి వచ్చినట్వంటి వారికి ఈ ఆస్పత్రి ప్రాణ ప్రతిష్ట చేస్తుంది. అప్పుడే పుట్టిన పిల్లలకు గుండె ఆగిపోతుంది. గుండెలో రంద్రాలున్నాయి. హార్ట్లో సమస్య ఉందన్నపుడు ఆ తల్లిదండ్రుల ప్రాణాలు విలవిల్లాడుతుంటాయి. ఎవరికైనా బిడ్డ పుడితే చాలా ఆనందంగా ఉంటుంది. కానీ ఆ పుట్టిన బిడ్డ గుండెకు రంధ్రాలున్నాయి. ఆ పుట్టిన బిడ్డ ఇక బతకడం కష్టమన్నప్పుడు తల్లిదండ్రుల ప్రాణాలు విలవిలలాడుతుంటాయన్నారు.
శ్రీ సత్యసాయి సంజీవని ఆస్పత్రి ఇప్పుడు ఒక చిన్నారికి శస్త్ర చికిత్స చేసిందంటే నా దృష్టిలో ఒక గుండెను కాపాడలేదు.. ముగ్గురి గుండెలను కాపాడినట్టు. విలవిలలాడే ఆ రెండు గుండెలకు ధైర్యాన్నిచ్చి మీ బిడ్డకు ప్రాణం పోస్తున్నాం అని అటు ప్రాణం పోసిన బిడ్డకు తల్లిదండ్రుల గుండెలకు ప్రాణం పోసినంత గొప్ప అని హరీశ్ రావు చెప్పారు.
---------------
హిందూస్తాన్ సమచార్ / విడియాల వెంకటేశ్వర్ రావు