నిత్యవసర వస్తువులతో పాటు ఇంధన ధరల పెరుగుదల వల్ల సామాన్య ప్రజలపై తీవ్ర భారం పడుతోందని సిపిఐ నేతలు మండిపడ్డారు. అనంతపురం వేదికగా జరిగిన ఈ నిరసన కార్యక్రమంలో సీపీఐ జిల్లా ప్రధాన కార్యదర్శి నారాయణస్వామి ముఖ్య అతిథిగా పాల్గొన్నారు.

ఈ సందర్భంగా ఆయన మాట్లాడుతూ.. కేంద్ర, రాష్ట్ర ప్రభుత్వాలు పన్నుల పేరుతో సామాన్యుల నడ్డి విరుస్తున్నాయని, పెంచిన ధరలను వెంటనే ఉపసంహరించుకోవాలని డిమాండ్ చేశారు.ప్రభుత్వానికి వ్యతిరేకంగా నినాదాలు చేశారు. ప్రజల పక్షాన సిపిఐ పోరాటాలు మరింత ఉధృతం చేస్తుందని ఈ సందర్భంగా నాయకులు హెచ్చరించారు.

కార్యక్రమంలో పాల్గొన్న ముఖ్య నాయకులు:

శ్రీరాములు (సిపిఐ నగర కార్యదర్శి)

రమణయ్య (సహాయ కార్యదర్శి)

జి. చిరంజీవి (ఎఐటియుసి జిల్లా వర్కింగ్ ప్రెసిడెంట్)

వీరితో పాటు సిపిఐ నగర కార్యవర్గ సభ్యులు, వివిధ ప్రజా సంఘాల నాయకులు, కార్యకర్తలు ఈ నిరసనలో పెద్ద సంఖ్యలో పాల్గొని ప్రభుత్వానికి వ్యతిరేకంగా నినాదాలు చేశారు.