Agriculture: సాంప్రదాయ పంటలకు స్వస్తి చెప్పి, వాణిజ్య పంటల వైపు అడుగులు వేస్తున్న రైతన్నలకు వెల్లుల్లి ఒక అద్భుతమైన వరంగా మారింది. తక్కువ పెట్టుబడి, కొంచెం మెళకువలు ఉంటే చాలు..

కేవలం ఆరు నెలల్లోనే మీ దశ తిరిగిపోతుంది. ఆంధ్రప్రదేశ్, తెలంగాణ రాష్ట్రాల్లో వెల్లుల్లిని ఇప్పుడు అత్యంత లాభదాయకమైన 'క్యాష్ క్రాప్'గా గుర్తిస్తున్నారు.

పెట్టుబడి రూ. 40 వేలు.. లాభం రూ. 6 లక్షలు

నమ్మశక్యంగా లేకపోయినా ఇది నిజం. ఒక ఎకరంలో వెల్లుల్లి సాగు చేయడానికి దాదాపు 40 వేల రూపాయల పెట్టుబడి అవుతుంది. సరిగ్గా సాగు చేస్తే ఎకరానికి 4 నుండి 6 టన్నుల దిగుబడి వస్తుంది. ప్రస్తుత మార్కెట్ ధరలను బట్టి చూస్తే, ఆరు నెలల కాలంలోనే రైతుకు 5 నుండి 6 లక్షల రూపాయల నికర లాభం వచ్చే అవకాశం ఉంది. మరే ఇతర వ్యాపారంలోనూ ఇంత తక్కువ సమయంలో ఇలాంటి రాబడి రావడం కష్టమే!

ప్రభుత్వ సహకారం - సబ్సిడీ

వెల్లుల్లి సాగు చేయాలనుకునే రైతులను ప్రోత్సహించడానికి ప్రభుత్వాలు సిద్ధంగా ఉన్నాయి. నేషనల్ హార్టికల్చర్ మిషన్ పథకం ద్వారా విత్తనాలు, వ్యవసాయ పరికరాల కొనుగోలుపై ఏకంగా 40 శాతం వరకు సబ్సిడీ పొందవచ్చు. నీటి వసతి కోసం డ్రిప్ ఇరిగేషన్ ఏర్పాటు చేసుకుంటే, దానికి కూడా ప్రభుత్వం భారీగా సబ్సిడీ అందిస్తోంది. పెట్టుబడి కోసం ఇబ్బంది పడే రైతులకు బ్యాంకుల ద్వారా సులభంగా రుణాలు అందేలా ప్రభుత్వం చర్యలు తీసుకుంటోంది.

ఎగుమతుల్లో భారత్ జోరు

భారతదేశం నుండి ప్రతి ఏటా సుమారు 57,346 టన్నుల వెల్లుల్లి విదేశాలకు ఎగుమతి అవుతోంది. ముఖ్యంగా బంగ్లాదేశ్, యూఏఈ వంటి దేశాల్లో మన వెల్లుల్లికి విపరీతమైన డిమాండ్ ఉంది. గత ఏడాది మన దేశంలో 4 లక్షల హెక్టార్లలో సాగు చేయగా, సుమారు 3.2 మిలియన్ టన్నుల ఉత్పత్తి సాధించారు. వెల్లుల్లి పంటకు 25 నుండి 30 డిగ్రీల సెల్సియస్ ఉష్ణోగ్రత అత్యంత అనుకూలం. డ్రిప్ ఇరిగేషన్ పద్ధతిని పాటిస్తే నీరు ఆదా అవ్వడమే కాకుండా, దిగుబడి కూడా పెరుగుతుంది. ఇది ఆరు నెలల స్వల్పకాలిక పంట.