ఆ ప్రాంతంలో ఎండిపోయిన చెట్లు, చెత్త కుప్పలు అధికంగా పేరుకుపోవడం వల్ల మంటలు చెలరేగినట్లు స్థానికులు తెలిపారు.

మంటలు వేగంగా వ్యాపించినప్పటికీ, సమీపంలో ఉన్న కన్వెన్షన్ హాల్‌కు ఎలాంటి నష్టం జరగకపోవడం అదృష్టకరమని అధికారులు పేర్కొన్నారు. సమాచారం అందుకున్న వెంటనే అగ్నిమాపక సిబ్బంది ఘటన స్థలానికి చేరుకుని మంటలను అదుపులోకి తీసుకువచ్చారు.

ఇకపై ఖాళీ ప్రదేశాల్లో చెత్త పేరుకుపోకుండా జాగ్రత్తలు తీసుకోవాలని ఇలాంటి ఘటనలు పునరావృతం కాకుండా ఉండేందుకు బడంగ్‌పేట్ సర్కిల్‌కు సంబంధించిన మున్సిపల్ అధికారులు తగిన చర్యలు తీసుకోవాలని స్థానికులు కోరుతున్నారు.