భూగర్భ జలాలు అడుగంటి బోర్లు వెలవెలబోతుండటంతో, చేతికొచ్చిన వరి పంటను దక్కించుకునేందుకు రైతులు ట్యాంకర్లతో నీటిని అందిస్తున్నారు. మునుగోడు, దేవరకొండ, తిరుమలగిరి సాగర్ ప్రాంతాల్లో పరిస్థితి ఆందోళనకరంగా ఉంది. మరో 20 రోజుల నీటి తడులు అందితేనే పంట ఇంటికి చేరుతుందన్న ఆశతో, రైతన్నలు భారీ ఖర్చుతో నీటిని కొనుగోలు చేస్తూ పంటలను కాపాడుకునేందుకు పోరాడుతున్నారు. ప్రభుత్వం తక్షణమే స్పందించి తాగు, సాగునీటి ఎద్దడి నివారణకు చర్యలు చేపట్టాలని కోరుతున్నారు.