Nara Devansh: ఇదిగో నారా దేవాంశ్ యూట్యూబ్ ఛానల్... చూసేయండి ఓసారి
Nara Devansh: నారా, నందమూరి కుటుంబాల మూడో తరం వారసుడు, మంత్రి నారా లోకేశ్ తనయుడు నారా దేవాంశ్ సరికొత్త అవతారమెత్తాడు.
కోట్లాది సంవత్సరాల క్రితం భూమిని ఏలిన జీవుల రహస్యాలను ప్రపంచానికి పరిచయం చేయడానికి ఆయన సిద్ధమయ్యాడు. ఊహించని విధంగా డిజిటల్ మాధ్యమంలోకి అడుగుపెడుతూ దేవాంశ్ ప్రారంభించిన సరికొత్త ప్రయాణం ఇప్పుడు రెండు తెలుగు రాష్ట్రాల్లోనూ తీవ్ర ఆసక్తిని రేకెత్తిస్తోంది.
'డైనో డీట్స్' ఛానెల్ ప్రారంభం
నారా దేవాంశ్ 'డైనో డీట్స్' (Dino Deets) పేరుతో అధికారికంగా ఒక సరికొత్త యూట్యూబ్ ఛానెల్ను, పాడ్కాస్ట్ ప్రారంభించాడు. ఈ అద్భుతమైన డిజిటల్ ప్రయాణాన్ని మొదలుపెట్టిన దేవాంశ్కు నారా, నందమూరి కుటుంబ సభ్యులంతా కలిసి ప్రత్యేకంగా అభినందనలు , శుభాకాంక్షలు తెలియజేశారు. ఈ కార్యక్రమ ఆరంభంలో తండ్రి నారా లోకేశ్ స్వయంగా పాల్గొని, ప్రస్తుత కాలంలో డిజిటల్ మాధ్యమాలు , ధ్వని ప్రసారాలకున్న ప్రత్యేకతలను, సాంకేతికతను ఆసక్తిగా అడిగి తెలుసుకోవడం విశేషం.