ఓటీటీలోకి తరుణ్ భాస్కర్ గాయపడ్డ సింహం.. స్ట్రీమింగ్ ఎక్కడంటే?

Gayapadda Simham: టాలీవుడ్ విలక్షణ దర్శకుడు, నటుడు తరుణ్ భాస్కర్ ప్రధాన పాత్రలో నటించిన తాజా వినోదాత్మక చిత్రం 'గాయపడ్డ సింహం' ఓటిటి వేదికగా ప్రేక్షకులను పలకరించింది.

వైవిధ్యమైన ప్రచార చిత్రాలతో సామాజిక మాధ్యమాలలో మంచి అంచనాలను నమోదు చేసుకున్న ఈ చిత్రం, థియేటర్లలో ఆశించిన స్థాయిలో రాణించలేకపోయింది. దీంతో ఈ చిత్రం ముడు వారాల వ్యవధిలోనే డిజిటల్ మాధ్యమంలోకి అడుగుపెట్టింది.

థియేటర్లలో తప్పిన అంచనాలు

తెలుగు సినీ పరిశ్రమలో తనదైన ముద్ర వేసుకున్న తరుణ్ భాస్కర్ కథానాయకుడిగా, సరికొత్త దర్శకుడు కశ్యప్ శ్రీనివాస్ దర్శకత్వంలో తెరకెక్కిన ఆసక్తికరమైన హాస్యభరిత చిత్రం 'గాయపడ్డ సింహం'. ఈ చిత్రం మే నెల మొదటి తేదీన ప్రపంచవ్యాప్తంగా థియేటర్లలో విడుదలైంది. విడుదల కంటే ముందు చిత్ర బృందం చేసిన వినూత్న ప్రచార కార్యక్రమాలు ప్రేక్షకులలో మంచి ఆసక్తిని రేకెత్తించాయి. అయితే, కథనంలో బలం లేకపోవడం , ఆశించిన స్థాయిలో వినోదం పండకపోవడంతో ఈ చిత్రం ప్రేక్షకులను నిరాశపరిచింది. మే మొదటి వారంలో విడుదలైన పలు చిత్రాల వలెనే ఇది కూడా బాక్సాఫీస్ వద్ద పెద్దగా ప్రభావం చూపలేకపోయింది.

అమెజాన్ ప్రైమ్ వీడియోలో స్ట్రీమింగ్

వెండితెరపై ఆశించిన ఫలితాన్ని అందుకోలేకపోయిన ఈ చిత్రం, ఎట్టకేలకు మూడు వారాల లోపే ఎటువంటి హడావుడి లేకుండా నిశ్శబ్దంగా డిజిటల్ వేదికపైకి వచ్చేసింది. ప్రముఖ అంతర్జాతీయ స్ట్రీమింగ్ సంస్థ అమెజాన్ ప్రైమ్ వీడియో ఈ చిత్ర డిజిటల్ హక్కులను సొంతం చేసుకుంది. ఈ రోజు నుండి ఈ హాస్యభరిత వ్యంగ్య చలనచిత్రాన్ని సదరు డిజిటల్ వేదికలో వీక్షించడానికి అందుబాటులోకి తీసుకువచ్చారు. థియేటర్లలో ఈ చిత్రాన్ని చూడలేకపోయిన సినీ ప్రియులు, ఇళ్లలోనే కూర్చుని డిజిటల్ మాధ్యమంలో వీక్షించే అవకాశం లభించింది.

భారీ తారాగణం.. నిర్మాణ విలువలు