RBI Jobs 2026: ఆర్బీఐలో ఉద్యోగాలు.. ఎవరు అర్హులు, ఎలా అప్లై చేసుకోవాలంటే

RBI Jobs 2026: దేశంలో అత్యంత ప్రతిష్టాత్మక ఆర్థిక సంస్థ అయిన రిజర్వ్ బ్యాంక్ ఆఫ్ ఇండియా (RBI) జూనియర్ ఇంజినీర్ పోస్టుల భర్తీకి కొత్త నోటిఫికేషన్ విడుదల చేసింది.

ఇంజినీరింగ్ బ్యాక్‌గ్రౌండ్ ఉన్న అభ్యర్థులకు ఇది మంచి అవకాశం. దేశవ్యాప్తంగా ఉన్న RBI కార్యాలయాల్లో ఈ నియామకాలు జరగనున్నాయి.

ఖాళీలు, పోస్టుల వివరాలు

ఈ నియామక ప్రక్రియలో మొత్తం 11 పోస్టులను భర్తీ చేయనున్నారు. వీటిలో జూనియర్ ఇంజినీర్ (సివిల్) పోస్టులు 7 ఉండగా, జూనియర్ ఇంజినీర్ (ఎలక్ట్రికల్) పోస్టులు 4 ఉన్నాయి. ఎంపికైన అభ్యర్థులు RBIకి చెందిన వివిధ బ్రాంచుల్లో పనిచేయాల్సి ఉంటుంది. ఈ పోస్టులు టెక్నికల్ ఫీల్డ్‌కు చెందినవిగా ఉండటంతో సంబంధిత నైపుణ్యాలు అవసరం.

అర్హతలు, వయోపరిమితి

ఈ పోస్టులకు దరఖాస్తు చేయాలనుకునే వారు సివిల్ లేదా ఎలక్ట్రికల్ ఇంజినీరింగ్‌లో డిప్లొమా లేదా డిగ్రీ పూర్తి చేసి ఉండాలి. కనీసం 65 శాతం మార్కులు ఉండటం తప్పనిసరి. వయస్సు విషయానికి వస్తే, 2026 ఏప్రిల్ 1 నాటికి 20 నుంచి 30 సంవత్సరాల మధ్య ఉండాలి. రిజర్వేషన్ కేటగిరీలకు వయోపరిమితిలో సడలింపులు వర్తిస్తాయి, దీంతో ఎక్కువ మంది అభ్యర్థులకు అవకాశం లభిస్తుంది.

ఎంపిక విధానం, పరీక్ష వివరాలు

ఈ నియామక ప్రక్రియలో అభ్యర్థులను ఆన్‌లైన్ రాత పరీక్ష ద్వారా ఎంపిక చేస్తారు. తర్వాత లాంగ్వేజ్ ప్రొఫిషియన్సీ టెస్ట్, సర్టిఫికెట్ వెరిఫికేషన్ నిర్వహిస్తారు. రాత పరీక్షలో మొత్తం 180 ప్రశ్నలు ఉంటాయి, ఇవి 300 మార్కులకు నిర్వహిస్తారు. ఇంగ్లిష్ ల్యాంగ్వేజ్, జనరల్ ఇంటెలిజెన్స్ & రీజనింగ్ విభాగాలు, అలాగే ఇంజినీరింగ్‌కు సంబంధించిన డిస్క్రిప్టివ్ పేపర్లు ఇందులో భాగంగా ఉంటాయి. పరీక్ష 2026 జూన్ నెలలో జరిగే అవకాశం ఉంది.