సోమవారం ఆఖరి రోజు నాటికి ఈ ఐపీఓ మొత్తం 2 రెట్లు సబ్‌స్క్రైబ్ అయినట్లు నేషనల్ స్టాక్ ఎక్స్ఛేంజ్ (NSE) గణాంకాలు స్పష్టం చేస్తున్నాయి. కంపెనీ మార్కెట్లో ఉంచిన 1,00,10,000 షేర్లకు గాను పెట్టుబడిదారుల నుంచి 2,01,04,050 షేర్లకు బిడ్లు దాఖలయ్యాయి.

విభాగాల వారీగా చూస్తే-రిటైల్ పెట్టుబడిదారుల నుంచి అత్యధికంగా 2.50 రెట్ల స్పందన లభించగా, సంస్థాగతేతర పెట్టుబడిదారుల (NII) కోటా 1.99 రెట్లు, అర్హత కలిగిన సంస్థాగత కొనుగోలుదారుల (QIB) విభాగం 1.16 రెట్లు సబ్‌స్క్రైబ్ అయ్యాయి. రాజస్థాన్‌లోని భిల్వారా కేంద్రంగా పనిచేస్తున్న ఈ సంస్థ, ఒక్కో షేరు ధరల శ్రేణిని రూ. 94 నుంచి రూ. 99గా నిర్ణయించి మార్కెట్ నుంచి మొత్తం రూ. 141.6 కోట్లు సమీకరించింది. కాగా, ఈ ఇష్యూలో పూర్తిగా కొత్త షేర్ల జారీ (Fresh Issue) మాత్రమే ఉంది తప్ప ఎలాంటి ఆఫర్ ఫర్ సేల్ (OFS) లేకపోవడం గమనార్హం. ఐపీఓ ద్వారా లభించిన నిధులను ప్లాంట్ యంత్రాల కొనుగోలుకు, రుణాల చెల్లింపులకు వినియోగించనున్నట్లు కంపెనీ వర్గాలు వెల్లడించాయి.