Tirupati: కడప జాతీయ రహదారి పనులపై తిరుపతి కలెక్టర్ సమీక్ష..

తిరుపతి: రేణిగుంట-కడప జాతీయ రహదారి నిర్మాణ పనుల్లో ఉన్న అడ్డంకులు, భూసేకరణ, ట్రాఫిక్ సమస్యలు మరియు పనుల పురోగతిపై జిల్లా కలెక్టర్ డా.

ఎస్. వెంకటేశ్వర్ సమగ్ర సమీక్ష నిర్వహించారు. ఈ సమావేశంలో జిల్లా ఎస్పీ శ్రీ ఎల్. సుబ్బరాయుడు, జాయింట్ కలెక్టర్ శ్రీ ఆర్. గోవిందరావు మరియు సంబంధిత శాఖల అధికారులు పాల్గొన్నారు. జాతీయ రహదారి నిర్మాణ పనులు వేగవంతంగా పూర్తి అయ్యేలా చర్యలు తీసుకోవాలని కలెక్టర్ అధికారులను ఆదేశించారు.

పనుల్లో ఎదురవుతున్న సమస్యలను వెంటనే పరిష్కరించి, ప్రజలకు ఇబ్బందులు కలగకుండా తగిన జాగ్రత్తలు తీసుకోవాలని సూచించారు. ముఖ్యంగా ట్రాఫిక్ నిర్వహణ, భద్రతా చర్యలు మరియు నిర్మాణ ప్రాంతాల్లో అవసరమైన హెచ్చరిక బోర్డులు ఏర్పాటు చేయాలని అధికారులకు దిశానిర్దేశం చేశారు.