veerabhadrudu ott
Veerabhadrudu OTT : చాలా కాలంగా ఒక సరైన కమర్షియల్ హిట్ కోసం కోలీవుడ్ స్టార్ హీరో సూర్య తీవ్రంగా శ్రమిస్తున్నారు. వైవిధ్యమైన కథలతో, విభిన్నమైన కాన్సెప్టులతో సినిమాలు చేసినప్పటికీ..
ఎందుకో అవి ప్రేక్షకులను పూర్తిస్థాయిలో ఆకట్టుకోలేకపోయాయి. వరుస పరాజయాలు పలకరించడంతో, సూర్య కెరీర్లో ఒక భారీ సక్సెస్ చూడాలని అటు అభిమానులు, ఇటు పరిశ్రమ వర్గాలు వెయ్యి కళ్లతో ఎదురుచూశాయి. అయితే, అందరి నిరీక్షణకు తెరదించుతూ ఎట్టకేలకు సూర్య బాక్సాఫీస్ వద్ద తన పూర్వ వైభవాన్ని చాటుకున్నారు. ఇటీవల భారీ అంచనాల మధ్య విడుదలైన 'వీరభద్రుడు' సినిమాతో సూర్య ఘన విజయాన్ని అందుకోవడమే కాకుండా, కలెక్షన్ల పరంగా కొత్త రికార్డులు సృష్టిస్తున్నారు. ఈ సూపర్ హిట్ సక్సెస్తో సూర్య అభిమానులు థియేటర్ల వద్ద పండగ చేసుకుంటున్నారు.
ఐదు రోజుల్లోనే రూ.162 కోట్ల విధ్వంసం!
ఈ క్రేజీ ప్రాజెక్ట్ను టాలెంటెడ్ డైరెక్టర్ ఆర్. బాలాజీ (ఆర్జే బాలాజీ) తెరకెక్కించారు. సూర్య మార్క్ యాక్టింగ్, బలమైన కథాంశంతో రూపొందిన ఈ చిత్రం కోలీవుడ్తో పాటు తెలుగు రాష్ట్రాల్లోనూ భారీ రెస్పాన్స్ సొంతం చేసుకుంది. ఈ సినిమాలో సూర్య సరసన స్టార్ హీరోయిన్ త్రిష నటించగా, వారిద్దరి స్క్రీన్ ప్రెజెన్స్ ప్రేక్షకులను కట్టిపడేసింది. ప్రస్తుతం ఎక్కడ చూసినా హౌస్ఫుల్ బోర్డులతో దూసుకుపోతున్న ఈ చిత్రం, కేవలం విడుదలైన ఐదు రోజుల్లోనే ఏకంగా 162 కోట్ల రూపాయల గ్రాస్ వసూళ్లను రాబట్టి ట్రేడ్ వర్గాలను సైతం విస్మయానికి గురిచేసింది. ఈ చిత్రానికి ఆర్జే బాలాజీ దర్శకత్వం వహించడమే కాకుండా, సినిమాలో 'కరుప్పు' అనే పవర్ఫుల్ విలన్ పాత్రలో తానే స్వయంగా నటించి మెప్పించడం విశేషం.
స్క్రీన్ను షేక్ చేసిన ఆ ఓటీటీ డీల్.. ధర ఎంతో తెలుసా?
థియేటర్లలో ఈ రేంజ్ రన్ కొనసాగుతుండగానే, 'వీరభద్రుడు' సినిమా డిజిటల్ స్ట్రీమింగ్కు సంబంధించిన ఒక అత్యంత ఆసక్తికరమైన వార్త ఇప్పుడు ఫిలిం నగర్ సర్కిల్స్లో హాట్ టాపిక్గా మారింది. ఈ సినిమా డిజిటల్ హక్కులను దక్కించుకోవడానికి ప్రముఖ డిజిటల్ ప్లాట్ఫామ్ల మధ్య గట్టి పోటీ నడిచినట్లు సమాచారం. చివరికి, ప్రముఖ ఓటీటీ దిగ్గజం నెట్ఫ్లిక్స్ (Netflix) భారీ ఫ్యాన్సీ రేటుకు ఈ సినిమా రైట్స్ను సొంతం చేసుకుంది. ఇండస్ట్రీలో వినపడుతున్న టాక్ ప్రకారం.. ఈ సినిమా ఓటీటీ రైట్స్ కోసం నెట్ఫ్లిక్స్ ఏకంగా 35 కోట్ల రూపాయలను వెచ్చించినట్లు తెలుస్తోంది. సూర్య కెరీర్లోనే ఇదొక మైలురాయి లాంటి డీల్ అని అంటున్నారు.
స్ట్రీమింగ్ ఎప్పుడు? జూన్ సెకండ్ వీక్ లాక్ అయినట్లేనా.?
థియేటర్లలో సినిమాను చూసి ఎంజాయ్ చేసిన వీక్షకులతో పాటు, ఓటీటీలో ఎప్పుడు వస్తుందా అని ఎదురుచూసే ప్రేక్షకులు కూడా ఈ సినిమా డిజిటల్ రిలీజ్ డేట్ కోసం ఇంటర్నెట్లో తెగ వెతికేస్తున్నారు. సాధారణంగా ఏ పెద్ద సినిమా అయినా థియేటర్లలో విడుదలైన నాలుగు వారాల తర్వాత డిజిటల్ ప్లాట్ఫామ్లోకి రావడం ఇండస్ట్రీలో ఒక అనవాయితీగా వస్తోంది. ఆ లెక్కన చూసుకుంటే, బాక్సాఫీస్ వద్ద రికార్డులు తిరగరాస్తున్న ఈ 'వీరభద్రుడు' చిత్రం వచ్చే జూన్ నెల రెండో వారంలో నెట్ఫ్లిక్స్ వేదికగా ఓటీటీలోకి ఎంట్రీ ఇచ్చే అవకాశాలు ఎక్కువగా ఉన్నాయని గట్టిగా ప్రచారం జరుగుతోంది. మరికొద్ది రోజుల్లోనే ఈ డిజిటల్ రిలీజ్ డేట్పై నెట్ఫ్లిక్స్ సంస్థ నుండి అధికారిక ప్రకటన వెలువడే అవకాశం ఉంది.