త మిళనాడు ప్రభుత్వం మరో కీలక అడుగు వేసింది. ప్రస్తుతం అమలులో ఉన్న మహిళలకు ఉచిత బస్సు పథకాన్ని మరింత విస్తరించింది. గాంధీ జయంతిని పురస్కరించుకుని నేడు చెన్నై కోయంబేడు బస్టాండ్ లో ఏర్పాటు చేసిన కార్యక్రమంలో ముఖ్యమంత్రి విజయ్.. వెట్రి పయణం పథకాన్ని లాంఛనంగా ప్రారంభించారు. ప్రస్తుతం అమలులో ఉన్న ఈ సౌకర్యాన్ని మరింత విస్తరించారు. ఈ నూతన విధానం ద్వారా రాష్ట్రవ్యాప్తంగా మహిళలకు మరిన్ని రకాల బస్సులలో ఉచిత ప్రయాణ సదుపాయం అందుబాటులోకి వచ్చింది. గతంలో ఉన్న పరిమితులను సవరిస్తూ ప్రభుత్వం ఈ నిర్ణయాన్ని తీసుకుంది.గతంలో డీఎంకే హయాంలో సిటీ ఆర్డినరీ బస్సులకే ఈ పథకం పరిమితమై ఉండేది. ఫలితంగా గ్రామీణ, పట్టణ మహిళలు పూర్తిస్థాయిలో దీని ప్రయోజనాలను పొందలేకపోయారు. పట్టణ ప్రాంతాల్లో సాధారణ బస్సుల సంఖ్య తక్కువగా ఉండటం వల్ల ఇబ్బందులు తలెత్తాయి. ఆ లోటుపాట్లను అధిగమిస్తూ విజయ్.. ఈ పథకాన్ని మరింత విస్తరింపజేశారు. మెట్రోపాలిటన్ తో పాటు పట్టణ ప్రాంతాల్లో తిరిగే ఎక్స్‌ప్రెస్, లిమిటెడ్ స్టాప్ సర్వీస్, డీలక్స్ బస్సుల్లోనూ మహిళలు ఇకపై ఉచితంగా ప్రయాణించవచ్చు. భారీగా పుంజుకొంటోన్న బంగారం రేట్లు: ఇకపై ఇదే ట్రెండ్..? వీటితో పాటు జిల్లాలను అనుసంధానించే ఆర్డినరీ మొఫిసిల్ బస్సులను కూడా దీని పరిధిలోకి తీసుకువచ్చారు. మహిళలతో పాటు ట్రాన్స్‌జెండర్లకు కూడా ఈ ఉచిత ప్రయాణ సౌకర్యం వర్తిస్తుంది. తమిళనాడులోని ఏడు ప్రభుత్వ రవాణా సంస్థల పరిధిలో నడుస్తున్న మొత్తం 18,413 బస్సుల్లో దాదాపు 69 శాతం.. అంటే సుమారు 12,692 బస్సులు ఇప్పుడు ఈ వెట్రి పయణం పథకం పరిధిలోకి వచ్చాయి. ఈ మార్పుల వల్ల రాష్ట్రవ్యాప్తంగా ప్రతిరోజూ దాదాపు 84.32 లక్షల మంది మహిళలకు ప్రయోజనం చేకూరుతుందని ప్రభుత్వం అంచనా వేసింది. ప్రతిరోజూ సుమారు 1.65 లక్షల సింగిల్ ట్రిప్పులలో మహిళలు ఈ ఉచిత ప్రయాణ సౌకర్యాన్ని వినియోగించుకుంటారని భావిస్తోంది. ఈ ఫ్రీ టికెట్ కోసం ఆర్టీసీ బస్సుల్లో ఎలక్ట్రానిక్ టికెటింగ్ మిషన్లల్లో నూతన సాఫ్ట్ వేర్ ను అమర్చారు. ఈ నూతన ఉచిత ప్రయాణ వ్యవస్థతో అనుసంధానించారు. ఈ పథకం అమలు వల్ల ఖజానా నుండి ప్రతి సంవత్సరం దాదాపు 6,000 కోట్ల రూపాయల వరకు అదనపు భారం పడుతుంది. కోయంబత్తూరు-ఈరోడ్, ఈరోడ్-సేలం, తిరుచిరాపల్లి-దిండిగల్, తంజావూరు-నాగపట్టణం, మధరై-విరుదునగర్, తిరునెల్వేలి-నాగర్‌కోయిల్ లాంటి ప్రధాన రద్దీ అంతర్ జిల్లా మార్గాల్లో ప్రయాణించే మహిళలకు ఈ నూతన సదుపాయం ఎంతో ప్రయోజనకరంగా మారనుంది. ఉన్నత విద్య కోసం దూర ప్రాంతాలకు వెళ్లే విద్యార్థినులు, రోజువారీ ఉద్యోగాలకు వెళ్లే మహిళలు, చిన్న వ్యాపారాలు చేసుకునే పేద మహిళలకు ఎంతో లబ్ధి చేకూరుతుంది. Chandrasekhar Rao Oneindia source: oneindia.com

ఆం ధ్రప్రదేశ్ రాజధాని అమరావతి పరిధిలోని గ్రామకంఠం భూముల ల్యాండ్ పూలింగ్ మినహాయింపులకు సంబంధించి అమరావతి రాజధాని ప్రాంత అభివృద్ధి ప్రాధికార సంస్థ లకమైన నిర్ణయం తీసుకుంది. రాజధాని నిర్మాణ విస్తరణ ప్రక్రియలో భాగంగా ఇన్నాళ్లూ గ్రామకంఠం భూముల సరిహద్దులు, ల్యాండ్ పూలింగ్ మినహాయింపులపై నెలకొన్న అనిశ్చితికి తెర దించుతూ అధికారులు స్పష్టమైన కటాఫ్ తేదీని ప్రకటించారు. సీఆర్డీఏ తీసుకున్న ఈ నిర్ణయంతో అమరావతి పరిధిలోని 29 రాజధాని గ్రామాల స్థానిక భూయజమానులకు, నివాసితులకు దశాబ్దాల కాలంగా వేధిస్తున్న సమస్య నుంచి తీవ్ర ఉపశమనం లభించింది. ప్రకటించిన నూతన నిబంధనల ప్రకారం.. నిర్ణీత కటాఫ్ తేదీ నాటికి గ్రామకంఠం రికార్డుల్లో , గ్రామ సరిహద్దుల్లో నమోదై ఉన్న నివాస గృహాలు, ఖాళీ స్థలాలు , సంప్రదాయ పూరిళ్లు, పక్కా భవనాలను ల్యాండ్ పూలింగ్ నుండి పూర్తిగా మినహాయిస్తున్నట్లు సీఆర్డీఏ వెల్లడించింది. గతంలో గ్రామకంఠాల పరిమితులను సరిగ్గా కొలవకపోవడం వల్ల అనేక రకాల వివాదాలు ఉత్పన్నమయ్యాయి. కొన్ని ప్రాంతాల్లో పూలింగ్ పరిధిలోకి ఇళ్లు రావడం, మరికొన్ని చోట్ల నిర్మాణాలను కూడా పూలింగ్ పరిధిలోకి చేర్చడంతో గ్రామస్థులు తీవ్ర ఆందోళన చెందారు. ఇప్పుడు సీఆర్డీఏ స్పష్టమైన కటాఫ్ తేదీని ప్రామాణికంగా తీసుకోవడం వల్ల సదరు భూములు స్థానికుల సొంత ఆస్తిగానే మిగిలిపోనున్నాయి. ఈ కటాఫ్ తేదీ నిర్ణయంతో పాటు, కటాఫ్ తేదీ నాటికి ఉన్న నిర్మాణాలకు పూర్తిస్థాయిలో అధికారిక హక్కు పత్రాలు, ప్రాపర్టీ ఐడీలను మంజూరు చేసేందుకు సీఆర్డీఏ సన్నాహాలు చేస్తోంది. డిజిటల్ రీ-సర్వే ద్వారా గ్రామకంఠం సరిహద్దులను పక్కాగా గుర్తించి, ఆక్రమణలకు గురికాకుండా సరిహద్దు రాళ్లను పాతనున్నారు. దీనివల్ల స్థానిక యజమానులకు తమ స్థలాలపై పూర్తి చట్టబద్ధమైన హక్కులు లభించడమే కాకుండా, బ్యాంకు రుణాలు పొందడానికి, ఆస్తుల అమ్మకాలు-కొనుగోళ్లకు ఉన్న అన్ని అడ్డంకులు శాశ్వతంగా తొలగిపోనున్నాయి. గ్రామకంఠం భూములకు కూడా పూర్తి స్థాయి క్లియరెన్స్ రావడం రాజధాని ప్రాంతంలో స్థిరాస్తి రంగానికి కూడా కొత్త ఊపునివ్వనుంది. సీఆర్డీఏ ప్రకటించిన ఈ తీపి కబురుపై అమరావతి రైతాంగం, స్థానిక ప్రజలు హర్షం వ్యక్తం చేస్తున్నారు. గత కొన్నేళ్లుగా పూలింగ్ భయంతో ఇళ్ల విస్తరణ , నూతన నిర్మాణాలు చేపట్టుకోలేక ఇబ్బందులు పడ్డామని, ఇప్పుడు కటాఫ్ తేదీతో తమ ఆస్తులకు రక్షణ లభించిందని సంతోషం వ్యక్తం చేశారు. ప్రభుత్వ ఆదేశాల మేరకు సీఆర్డీఏ అధికారులు త్వరలోనే గ్రామాల్లో ప్రత్యేక సదస్సులు నిర్వహించి, గ్రామకంఠం సర్వే రికార్డులను ప్రత్యక్షంగా ప్రదర్శించి రైతుల నుంచి అభ్యంతరాలను స్వీకరించనున్నారు. ఈ నిర్ణయం అమరావతి నిర్మాణంలో స్థానిక ప్రజల భాగస్వామ్యాన్ని, వారి నమ్మకాన్ని మరింత పెంచుతుందని నిపుణులు భావిస్తున్నారు.

రి యాద్: ఫ్లైదుబాయ్ విమాన ఘటనలో నిందితుడైన కో-పైలట్ గురించి సంచలన విషయాలు వెలుగులోకి వచ్చాయి. తోటి పైలట్లు ఇతడిని మతోన్మాదిగా ఆరోపణలు చేస్తున్నారు. ఇజ్రాయెల్ వార్తా సంస్థ 'ఛానెల్ 16'తో మాట్లాడిన ఓ తోటి ఫ్లై దుబాయ్ పైలట్.. నిందితుడైన కో -పైలట్ ప్రవర్తన గురించి కీలక వివరాలు వెల్లడించారు. సదరు నిందితుడు కేవలం 8 నెలల క్రితమే ఫ్లైదుబాయ్ సంస్థలో ఉద్యోగంలో చేరాడని తెలిపారు. విధుల్లో ఉన్న సమయంలో నిత్యం అతిగా ప్రార్థనలు చేయడం, మహిళలతో షేక్‌హ్యాండ్ చేయడానికి కూడా నిరాకరించడం వంటి విపరీత ధోరణులు ప్రదర్శించేవాడని సహచర పైలట్ పేర్కొన్నారు. దీంతో ఇతడిని తోటి సిబ్బంది ఒక మతోన్మాదిగా అభివర్ణించారు.