IBPS RRB Recruitment 2026: బ్యాంకింగ్ రంగంలో ఉద్యోగం కోసం ఎదురుచూస్తున్న లక్షలాది మంది అభ్యర్థులకు శుభవార్త. ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) ప్రాంతీయ గ్రామీణ బ్యాంకుల్లో భారీ స్థాయిలో ఉద్యోగాల భర్తీకి నోటిఫికేషన్ విడుదల చేసింది.
బ్యాంకింగ్ కెరీర్పై ఆసక్తి ఉన్న యువత ఈ అవకాశాన్ని సద్వినియోగం చేసుకోవాలని సూచిస్తున్నారు. ఈ నియామక ప్రక్రియ ద్వారా గ్రూప్-A అధికారులతో పాటు గ్రూప్-B ఆఫీస్ అసిస్టెంట్ పోస్టులను భర్తీ చేయనున్నారు. మొత్తం ఖాళీలలో అత్యధికంగా ఆఫీస్ అసిస్టెంట్ పోస్టులే ఉన్నాయి. సెప్టెంబర్ నెలలో బ్యాంకుల సెలవుల లిస్ట్ వచ్చేసింది..
వినియోగదారులు ఈ తేదీల్లో బ్యాంకులకు వెళ్లొద్దని సూచన..పోస్టుల వారీగా ఖాళీలు ఇలా ఉన్నాయి: ఆఫీస్ అసిస్టెంట్ (మల్టీపర్పస్): 8,183 పోస్టులు ఆఫీసర్ స్కేల్-I: 4,256 పోస్టులు ఆఫీసర్ స్కేల్-II: 1,047 పోస్టులు ఆఫీసర్ స్కేల్-III: 220 పోస్టులు మొత్తం ఖాళీలు: 13,706 గ్రామీణ ప్రాంతాల్లో బ్యాంకింగ్ సేవలందిస్తున్న ప్రాంతీయ గ్రామీణ బ్యాంకుల్లో ఈ నియామకాలు జరగనున్నాయి. క్లర్క్, PO రెండింటికీ దరఖాస్తు చేసుకోవచ్చా? అభ్యర్థులకు ఈ విషయంలో IBPS వెసులుబాటు కల్పించింది. అర్హతలు ఉంటే ఒక అభ్యర్థి ఆఫీస్ అసిస్టెంట్ పోస్టుకు, అలాగే ఆఫీసర్ కేడర్లోని ఒక పోస్టుకు దరఖాస్తు చేసుకోవచ్చు. అయితే ఆఫీసర్ కేడర్లో మాత్రం ఒకటి కంటే ఎక్కువ పోస్టులకు దరఖాస్తు చేసుకునే అవకాశం ఉండదు.
అంటే అభ్యర్థి స్కేల్-I, స్కేల్-II లేదా స్కేల్-IIIలో ఏదో ఒక పోస్టును మాత్రమే ఎంచుకోవాల్సి ఉంటుంది. దరఖాస్తు చేసుకునే ముందు విద్యార్హతలు, వయోపరిమితి, అనుభవం వంటి పూర్తి అర్హత నిబంధనలను అధికారిక నోటిఫికేషన్లో తప్పనిసరిగా పరిశీలించాలి. దరఖాస్తు ఫీజు ఎంత? అభ్యర్థుల కేటగిరీలను బట్టి దరఖాస్తు రుసుము నిర్ణయించారు. ఎస్సీ, ఎస్టీ, దివ్యాంగ అభ్యర్థులకు రూ.175** దరఖాస్తు రుసుముగా నిర్ణయించారు.
ఇతర కేటగిరీలకు చెందిన అభ్యర్థులు రూ.850 చెల్లించాల్సి ఉంటుంది. డెబిట్ కార్డు, క్రెడిట్ కార్డు, ఇంటర్నెట్ బ్యాంకింగ్, IMPS, క్యాష్ కార్డు, మొబైల్ వాలెట్ వంటి ఆన్లైన్ చెల్లింపు పద్ధతుల ద్వారా ఫీజు చెల్లించవచ్చు. ఎలా దరఖాస్తు చేసుకోవాలి? అభ్యర్థులు ఈ కింది విధంగా దరఖాస్తు ప్రక్రియను పూర్తి చేయవచ్చు. ముందుగా IBPS అధికారిక వెబ్సైట్లోకి వెళ్లాలి.
అక్కడ IBPS RRB రిక్రూట్మెంట్ 2026కు సంబంధించిన లింక్ను ఎంచుకోవాలి. అనంతరం కొత్త రిజిస్ట్రేషన్ చేసుకుని, వచ్చిన లాగిన్ వివరాలతో దరఖాస్తు ఫారమ్లోకి ప్రవేశించాలి. వ్యక్తిగత వివరాలు, విద్యార్హతలు తదితర సమాచారాన్ని జాగ్రత్తగా నమోదు చేయాలి. అవసరమైన ఫొటో, సంతకం, ఇతర పత్రాలను నిబంధనలకు అనుగుణంగా అప్లోడ్ చేయాలి.
ఆ తర్వాత నిర్ణయించిన దరఖాస్తు రుసుమును చెల్లించి ఫారమ్ను సమర్పించాలి. దరఖాస్తు విజయవంతంగా సమర్పించిన తర్వాత కన్ఫర్మేషన్ పేజీని డౌన్లోడ్ చేసుకుని భవిష్యత్ అవసరాల కోసం భద్రపరచుకోవాలి. చివరి తేదీ మర్చిపోవద్దు దరఖాస్తు ప్రక్రియకు సెప్టెంబర్ 21, 2026 చివరి తేదీగా నిర్ణయించారు. చివరి రోజు వరకు వేచి ఉండకుండా ముందుగానే దరఖాస్తు పూర్తి చేసుకోవడం మంచిదని అభ్యర్థులకు సూచిస్తున్నారు.
అయితే దరఖాస్తును సమర్పించే ముందు అందులో నమోదు చేసిన పేరు, పుట్టిన తేదీ, విద్యార్హతలు, కేటగిరీ, ఇతర వ్యక్తిగత వివరాలను మరోసారి సరిచూసుకోవాలి. చిన్న పొరపాటు కూడా నియామక ప్రక్రియలోని తదుపరి దశల్లో సమస్యలకు కారణమయ్యే అవకాశం ఉంది. బ్యాంకింగ్ రంగంలో స్థిరమైన ఉద్యోగం లక్ష్యంగా పెట్టుకున్న అభ్యర్థులకు ఇది ఒక కీలక అవకాశం. పూర్తి నోటిఫికేషన్, అర్హతలు, పరీక్షా షెడ్యూల్ మరియు ఇతర తాజా వివరాల కోసం అభ్యర్థులు IBPS అధికారిక వెబ్సైట్ను క్రమం తప్పకుండా పరిశీలించడం మంచిది.