Upcoming IPOs: భారత ప్రైమరీ మార్కెట్ ఈ వారంలో మరో బిజీ వారానికి సిద్ధమైంది. సబ్స్క్రిప్షన్ కోసం ఏకంగా 7 కొత్త ఇనీషియల్ పబ్లిక్ ఆఫరింగ్లు (IPOలు) ప్రారంభం కానుండటంతో స్టాక్ మార్కెట్లో మళ్ళీ ఐపీఓల సందడి నెలకొంది.
250 మంది ఉద్యోగులను తొలగించిన ఫుడ్ డెలివరీ దిగ్గజం.. మెయిన్బోర్డ్ విభాగంలో అత్యధిక నిధుల సమీకరణతో 'పర్పుల్ స్టైల్ ల్యాబ్స్' ఐపీఓ ముందంజలో ఉంది. ఆగస్టు 31 నుంచి సెప్టెంబర్ 2 వరకు అందుబాటులో ఉండనున్న ఈ ఇష్యూ ద్వారా కంపెనీ రూ. 680 కోట్లు సమీకరించాలని లక్ష్యంగా పెట్టుకుంది. దీని ధరల శ్రేణిని ఒక్కో షేరుకు రూ.
546 నుంచి రూ. 575గా నిర్ణయించారు. అలాగే ప్రముఖ ఆభరణాల విక్రయ సంస్థ 'దీపా జ్యువెలర్స్' సెప్టెంబర్ 1న తన రూ. 459.72 కోట్ల ఐపీఓను ప్రారంభించనుంది. సెప్టెంబర్ 3 వరకు సాగే ఈ ఆఫరింగ్లో రూ.
250 కోట్ల విలువైన కొత్త షేర్లతో పాటు రూ. 209.72 కోట్ల ఆఫర్ ఫర్ సేల్ (OFS) ఉన్నాయి. దీని ప్రైస్ బ్యాండ్ రూ. 168 నుంచి రూ.
177గా ఉంది. మరో మెయిన్బోర్డ్ కంపెనీ 'రేస్ ఆఫ్ బిలీఫ్' కూడా సెప్టెంబర్ 1 నుంచి 3 వరకు రూ. 125 కోట్ల విలువైన ఫ్రెష్ షేర్లను రూ. 227 నుంచి రూ.
239 ధరల శ్రేణితో మార్కెట్లోకి తెస్తోంది. మరొకవైపు, ఎస్ఎమ్ఈ (SME) విభాగంలో కూడా నాలుగు కంపెనీలు నిధుల వేటకు సిద్ధమయ్యాయి. వీటిలో 'అశుతోష్ ఫైబర్' రూ. 56.35 కోట్ల ఇష్యూతో (ధర రూ. 87-92), 'శాంతి ఇనార్గానిక్స్' రూ.
47.24 కోట్ల ఇష్యూతో (ధర రూ. 79-83), మరియు 'ఫైకెమ్ టెక్నాలజీస్' రూ. 14.58 కోట్ల ఇష్యూతో (ధర రూ. 51-54) ఆగస్టు 31న బిడ్డింగ్ ప్రారంభించనున్నాయి.
ఇవన్నీ సెప్టెంబర్ 2తో ముగుస్తాయి. ఇక సెప్టెంబర్ 1న ప్రారంభమయ్యే 'ఫార్మ్ పీస్' ఐపీఓ స్థిరంగా రూ. 59 ధరతో రూ. 32 కోట్ల నిధులను సేకరించనుంది. ప్రస్తుతం బిడ్డింగ్లో ఉన్న మరికొన్ని కంపెనీల ఐపీఓలు కూడా వచ్చే వారమే ముగియనుండటంతో మదుపరులకు విశేష అవకాశాలు అందుబాటులోకి రానున్నాయి. అయితే మార్కెట్ రిస్క్లను పరిగణనలోకి తీసుకుని, కంపెనీల ఆర్థిక బలహీనతలను విశ్లేషించిన తర్వాతే పెట్టుబడులు పెట్టాలని నిపుణులు సూచిస్తున్నారు.