Wednesday, 02 Dec, 10.09 pm Lifeberrys Telugu

వార్తలు
కేరళ లో తీవ్రంగా విజృంభిస్తున్న కరోనా ...తాజాగా 28 కరోనా మరణాలు

కేరళలో కరోనా తీవ్రత కొనసాగుతూనే ఉన్నది. మంగళవారం నుంచి బుధవారం వరకు గత 24 గంటల్లో 6,316 కరోనా కేసులు, 28 మరణాలు నమోదయ్యాయి.

దీంతో ఆ రాష్ట్రంలో మొత్తం కరోనా కేసుల సంఖ్య 6,14,673కు, మొత్తం మరణాల సంఖ్య 2298కి చేరింది. గత 24 గంటల్లో 5,924 మంది కరోనా రోగులు కోలుకున్నారు. దీంతో కేరళలో కరోనా నుంచి కోలుకున్నవారి సంఖ్య 5,50,788కి చేరినట్లు ఆ రాష్ట్ర ఆరోగ్య శాఖ తెలిపింది. ప్రస్తుతం 61,455 యాక్టివ్‌ కేసులున్నట్లు పేర్కొంది.

ఇక తెలంగాణాలో గడిచిన 24 గంటల్లో కొత్తగా 565 కరోనా పాజిటివ్‌ కేసులు నమోదయ్యాయి. దీంతో మొత్తం కరోనా పాజిటివ్‌ కేసుల సంఖ్య 2,70,883కు చేరింది. ఈ మేరకు తెలంగాణ వైద్య ఆరోగ్య శాఖ బుధవారం కరోనా హెల్త్‌ బులిటెన్‌ విడుదల చేసింది. గడిచిన 24గంటల్లో కరోనా నుంచి కోలుకున్నవారి సంఖ్య 925 కాగా, వివిధ ఆస్పత్రుల నుంచి కోలుకొని డిశ్చార్జ్‌ అయినవారి మొత్తం సంఖ్య 2,60,155గా నమోదైంది

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Lifeberrys Telugu
Top