రియాద్ - సౌదీ అరేబియాలోకి వస్తున్న ఒక ట్రక్కులో దాచిపెట్టిన 4,26,162 ఆంఫెటమైన్ పిల్స్ లను అల్ హదీథా సరిహద్దు క్రాసింగ్ ద్వారా జకాత్, పన్ను మరియు కస్టమ్స్ అథారిటీ (ZATCA) స్వాధీనం చేసుకుంది.

అత్యాధునిక స్కానింగ్ యంత్రాల ద్వారా తనిఖీలు చేయగా ఈ సరుకు బయటపడిందని ZATCA ప్రతినిధి హమూద్ అల్-హర్బీ తెలిపారు. ట్రక్కు స్పేర్ టైర్లలోని ఖాళీలలో ఈ పిల్స్ ను దాచిపెట్టారని ఆయన వివరించారు.
జనరల్ డైరెక్టరేట్ ఆఫ్ నార్కోటిక్స్ కంట్రోల్‌తో సమన్వయంతో అక్రమ రవాణా ప్రయత్నాలను భగ్నం చేసినట్లు తెలిపారు.
సమాజ రక్షణ మరియు భద్రతను పెంపొందించే తమ వ్యూహంలో భాగంగా మాదకద్రవ్యాలు మరియు ఇతర నిషేధిత పదార్థాల ప్రవేశాన్ని నిరోధించడానికి ఈ అథారిటీ కట్టుబడి ఉందని ఆయన అన్నారు. అనుమానిత నేరాల గురించి తెలియజేయడం ద్వారా అక్రమ రవాణా నిరోధక ప్రయత్నాలకు సహకరించాలని ఆ ప్రతినిధి ప్రజలను కోరారు. ఈ ఫిర్యాదులను పూర్తి గోప్యతతో నిర్వహిస్తారని, సమర్పించిన సమాచారం కచ్చితమైనదని రుజువైనప్పుడు ఆర్థిక బహుమతులు అందజేస్తారని ఆయన తెలిపారు.