మనామాః బహ్రెయిన్ మత వైవిధ్యాన్ని గిన్నిస్ వరల్డ్ రికార్డ్స్ సర్టిఫికేట్ చాటిచెబుతోంది. రవాణా మరియు టెలికమ్యూనికేషన్ల శాఖ మంత్రి, కింగ్ హమద్ గ్లోబల్ సెంటర్ ఫర్ కోఎగ్జిస్టెన్స్ అండ్ టాలరెన్స్ బోర్డ్ ఆఫ్ ట్రస్టీస్ ఛైర్మన్ డాక్టర్ షేక్ అబ్దుల్లా బిన్ అహ్మద్ అల్ ఖలీఫా..
మహారాజు హమద్ బిన్ ఇసా అల్ ఖలీఫాను కలుసుకున్నారు. వివిధ మతాల ప్రార్థనా స్థలాల సాంద్రత అత్యధికంగా ఉన్న దేశంగా బహ్రెయిన్ను గుర్తిస్తూ, డాక్టర్ షేక్ అబ్దుల్లా మహారాజుకు గిన్నిస్ వరల్డ్ రికార్డ్స్ సర్టిఫికేట్ను బహూకరించారు. ఈ ఘనత మత సహనం మరియు సహజీవనం విషయంలో బహ్రెయిన్కు ఉన్న సుదీర్ఘ ఖ్యాతిని ప్రతిబింబిస్తుందన్నారు.
కింగ్ హమద్ అవార్డ్ ఫర్ కోఎగ్జిస్టెన్స్ అండ్ టాలరెన్స్ మొదటి ఎడిషన్ సన్నాహాలతో సహా సెంటర్ ప్రస్తుత మరియు భవిష్యత్ ప్రణాళికల గురించి వివరించారు. మనామా అంతటా ఉన్న ప్రార్థనా స్థలాలను కలిగి ఉన్న 'సహజీవన మార్గాన్ని', మత మరియు సాంస్కృతిక వైవిధ్యం పట్ల రాజ్య నిబద్ధతకు చిహ్నంగా ప్రముఖంగా నిలపాలని మహారాజు ఆదేశించారు.విభిన్న సంస్కృతులు మరియు విశ్వాసాలు గల ప్రజల మధ్య శాంతి, పరస్పర గౌరవం వంటి విలువలను ప్రోత్సహించడానికి బహ్రెయిన్ నిరంతరం కృషి చేస్తుందని మహారాజు పేర్కొన్నారు.