దోహా: సవాళ్లు ఎదురైన ఖతార్ రియల్ ఎస్టేట్ రంగం వృద్ధిని నమోదు చేసింది. ఇది ఒక బలమైన మరియు సుస్థిరమైన మార్కెట్‌ను ప్రతిబింబిస్తోందని గణంకాలు చెబుతున్నాయి.

ఖతార్ న్యాయ మంత్రిత్వ శాఖ గణాంకాల ఆధారంగా రియల్ ఎస్టేట్ నియంత్రణ సంస్థ (Aqarat) వివరాలను విడుదల చేసింది. 2025లో దేశ రియల్ ఎస్టేట్ రంగం గత దశాబ్ద కాలంలోనే అత్యంత బలమైన పనితీరును నమోదు చేసింది. ఈ సంవత్సరంలో ఆస్తి విక్రయ లావాదేవీల సంఖ్య 7,846కు పెరిగింది.

2016-2025 మధ్య కాలంలో మార్కెట్ కార్యకలాపాల్లో నిరంతర పెరుగుదల నమోదైంది 2016 లో 3,804 ఒప్పందాల నుండి, 2025లో సాధించిన రికార్డు స్థాయికి చేరుకుంటూ రెట్టింపు కంటే ఎక్కువగా పెరిగింది.

ప్రపంచ ఆర్థిక అస్థిరత ఉన్నప్పటికీ, పెట్టుబడిదారులు మరియు కొనుగోలుదారులను ఖతార్ ఆకర్షిస్తూనే ఉందని ఈ గణాంకాలు హైలైట్ చేస్తున్నాయి.

2020లో కరోనా మహమ్మారి కారణంగా ఏర్పడిన ఆర్థిక అనిశ్చితి ఉన్నప్పటికీ, రియల్ ఎస్టేట్ లావాదేవీలు ఒక్కసారిగా పెరిగి 5,191కి చేరుకున్నాయి. 2021లో 5,164 లావాదేవీలతో మార్కెట్ తన ఊపును కొనసాగించింది. అయితే, 2022లో లావాదేవీల స్థాయి 4,489కి పడిపోయింది.

తాత్కాలిక మందగమనం ఉన్నప్పటికీ, ఈ రంగం త్వరగా పుంజుకుంది. 2023లో 5,054, 2024లో 5,184, 2025లో రికార్డు స్థాయిలో అత్యధిక స్థాయికి వేగంగా పెరిగాయి. ఆర్థిక విస్తరణ, నియంత్రణ సంస్కరణలు మరియు పెరిగిన మార్కెట్ భాగస్వామ్యం వంటి అంశాల కలయికతో ఈ రంగం కోలుకోవడం మరియు నిరంతర వృద్ధికి మద్దతు లభించింది.