వీటిని దుబాయ్ అంతటా కనిపించేలా ఎలక్ట్రానిక్ సైన్‌బోర్డులపై ప్రదర్శిస్తున్నారు. సందర్శకులు వాహనాల్లో కాకుండా ప్రజా రవాణా ద్వారా గమ్యస్థానానికి చేరుకోవాలని మాల్ సూచించింది. ఈ మాల్‌కు పబ్లిక్ బస్సు సర్వీసులతో పాటు దుబాయ్ మెట్రో ద్వారా కూడా చేరుకోవచ్చని తెలిపింది. వీటితోపాటు సందర్శించాలనుకునే వారి కోసం అనేక సంస్థలు మాల్‌కు రానుపోను షటిల్ సర్వీసులను నడుపుతున్నాయని గుర్తుచేసింది.
గత కొన్ని రోజులుగా సందర్శకులతో దుబాయ్ మాల్ పార్కింగ్ పూర్తి నిండిపోయింది. దీంతో పార్కింగ్ కోసం ఇబ్బందులు ఎదురవుతున్నాయి. నాలుగు కంటే ఎక్కువ జోన్‌లలో 14,000కు పైగా పార్కింగ్ స్థలాలు ఉన్న సరిపోవడం లేదని పేర్కొంది.
మే 31 వరకు ప్రత్యక్ష ప్రదర్శనలు
ఈద్ అల్ అదా సెలవుత నేపథ్యంలో అనేక రకాల వినోద కార్యక్రమాలను ఏర్పాటు చేశారు. నగరంలోని అతిపెద్ద అక్వేరియంలో "ఈద్ ముబారక్" అంటూ ఈదుతున్న డైవర్ల నుండి, సాంప్రదాయ అయాలా నృత్యం వరకు, సందర్శకులు ఆస్వాదించడానికి ఎన్నో ఆకర్షణలు ఉన్నాయి. మే 31 వరకు మాల్‌లో మధ్యాహ్నం 2 గంటల నుండి రాత్రి 10 గంటల వరకు ప్రదర్శనల టైమ్‌టేబుల్ నడుస్తోంది. మాల్‌లోని వివిధ ప్రదేశాలలో అయాలా నృత్యాలు మరియు అల్ యూలా సాంప్రదాయ ఆయుధ ప్రదర్శనలు ఉంటాయి. దుబాయ్ అక్వేరియం మరియు అండర్‌వాటర్ జూలో టిక్కెట్ హోల్డర్ల కోసం ఉచిత విద్యా వర్క్‌షాప్‌లు మరియు జంతువులతో ముఖాముఖి కార్యక్రమాలు మే 30 వరకు కొనసాగుతాయి.
ఇదిలా ఉండగా, దుబాయ్ ఐస్ రింక్‌లో లైవ్ డీజే ప్రదర్శనలు మరియు ప్రత్యేక స్కేట్ షోలు జరుగుతున్నాయి. కిడ్జానియా కూడా ఈద్ సెలవుల కాలంలో యువ సందర్శకుల కోసం నృత్య ప్రదర్శనలను నిర్వహిస్తోంది. వీటితోపాటు సందర్శకులు అద్భుతమైన దుబాయ్ ఫౌంటెన్ మరియు బుర్జ్ ఖలీఫాపై లైట్ షోను కూడా ఆస్వాదించవచ్చు.
ఈద్ సెలవులు ఇంకా మిగిలి ఉన్నందున, రద్దీని నివారించడానికి తమ ప్రయాణాలను ముందుగానే ప్లాన్ చేసుకోవాలని మరియు ప్రజా రవాణా మార్గాలను పరిగణించాలని అధికారులు నివాసితులకు సూచిస్తున్నారు. సందర్శకులు తమ ప్రయాణాలను తదనుగుణంగా ప్లాన్ చేసుకోవడానికి ఎలక్ట్రానిక్ సైన్‌బోర్డ్ సందేశాలను మరియు ట్రాఫిక్ అప్‌డేట్‌లను ఫాలో కావాలని సూచించారు.