Bandla Ganesh: తెలంగాణ రాజకీయాల్లో జనసేన పార్టీ పోటీ చేయబోతోందంటూ ఆ పార్టీ అధినేత, ఆంధ్రప్రదేశ్ డిప్యూటీ సీఎం పవన్ కల్యాణ్ చేసిన వ్యాఖ్యలపై ప్రముఖ నటుడు ప్రకాష్ రాజ్ సోషల్ మీడియా వేదికగా సెటైర్లు వేశారు.

అయితే, పవన్ కల్యాణ్‌పై ప్రకాష్ రాజ్ చేసిన ఈ వ్యాఖ్యలను టాలీవుడ్ ప్రముఖ నిర్మాత బండ్ల గణేష్ తీవ్రంగా తప్పుపట్టారు. ప్రకాష్ రాజ్‌కు అత్యంత ఘాటుగా, స్ట్రాంగ్ కౌంటర్ ఇస్తూ ఎక్స్ (ట్విట్టర్) లో బండ్ల గణేష్ పెట్టిన పోస్ట్ ఇప్పుడు సోషల్ మీడియాలో విపరీతంగా వైరల్ అవుతోంది.

అసలు నువ్వెవడివిరా?.. ఎక్స్‌లో బండ్ల గణేష్ వైరల్ పోస్ట్!

ప్రకాష్ రాజ్ చేసిన ట్వీట్‌కు రిప్లై ఇస్తూ బండ్ల గణేష్ అత్యంత అగ్రెసివ్‌గా స్పందించారు:

నీకెందుకురా ప్రతి దాంట్లో వేలుపెట్టడం? అసలు నువ్వెవడివి? తమిళోడివా, తెలుగోడివా, కన్నడోడివా? నీ ఊరు ఏది, నీ కథ ఏంటి? ప్రతి ఊర్లో, ప్రతి ఇష్యూలో దూరి జడ్జిమెంట్‌లు ఇవ్వడానికి నువ్వేమైనా కలెక్టర్‌వా లేక దేశ ప్రధాని వా? ఎక్కడ చూసినా నువ్వే, ఏ విషయం వచ్చినా నువ్వే. నీ బతుక్కి పని లేకపోతే చూసుకో, కానీ అందరి విషయాల్లో దూరి హీరోలా ఫీలవ్వకు. ముందు నీ అడ్రస్ నువ్వు తెలుసుకో, తర్వాత ప్రపంచాన్ని మార్చే ప్రయత్నం చేయ్!

ఆయనకు కేవలం 1200 ఓట్లే వచ్చాయి”.. మీడియా ఇంటర్వ్యూలో షాకింగ్ కామెంట్స్!

ఈ ట్వీట్ రచ్చగా మారిన నేపథ్యంలో, ఓ ప్రముఖ మీడియా ఛానల్‌తో బండ్ల గణేష్ ప్రత్యేకంగా మాట్లాడారు. ప్రకాష్ రాజ్‌కు ప్రతి విషయంలోనూ అనవసరంగా జోక్యం చేసుకోవడం (దూరడం) అలవాటైపోయిందని మండిపడ్డారు. అన్ని రాష్ట్రాల రాజకీయాల్లో వేలుపెట్టడం మానుకుంటే ఆయనకే మంచిదని హితవు పలికారు.

గతంలో ప్రకాష్ రాజ్ ఎన్నికల్లో పోటీ చేసినప్పుడు ఆయనకు కేవలం 1200 ఓట్లు మాత్రమే వచ్చాయనే విషయాన్ని ఈ సందర్భంగా గుర్తుంచుకోవాలన్నారు. “నాకు గత 30 సంవత్సరాలుగా ప్రకాష్ రాజ్ చాలా బాగా తెలుసు. అయినప్పటికీ, నా దైవ సమానుడైన పవన్ కల్యాణ్‌పై ఇలాంటి చౌకబారు వ్యాఖ్యలు చేస్తే నేను అస్సలు ఊరుకోబోను. ప్రకాష్ రాజ్ ముందు తన స్థాయి ఏంటో తెలుసుకోవాలి. ఆయన చేసిన వ్యాఖ్యలు వందకు వంద శాతం తప్పు” అని బండ్ల గణేష్ ఆగ్రహం వ్యక్తం చేశారు.