రాష్ట్రవ్యాప్తంగా మొత్తం 2.50 లక్షల మందికి కొత్తగా పింఛన్లు మంజూరు చేయాలని ప్రభుత్వం లక్ష్యంగా పెట్టుకుంది.

భారీగా వచ్చిన దరఖాస్తులు - వివరాలు..

ఆగస్టు 9 నుంచి ప్రారంభమైన ఈ దరఖాస్తుల స్వీకరణ ప్రక్రియలో ప్రభుత్వం నిర్దేశించుకున్న 2.50 లక్షల లక్ష్యం కంటే ఎక్కువగా, దాదాపు 4.50 లక్షల మందికి పైగా దరఖాస్తు చేసుకున్నారు..

• వితంతువులు: అత్యధికంగా 2,64,815 మంది

• దివ్యాంగులు: 1,07,171 మంది

• గీత కార్మికులు: 26,343 మంది

• ఒంటరి మహిళలు: 26,057 మంది

• చేనేత కార్మికులు: 10,468 మంది

రేపటి (సెప్టెంబర్ 1) నుంచే క్షేత్రస్థాయి పరిశీలన..

• గ్రామాల్లో: దరఖాస్తుల క్షేత్రస్థాయి పరిశీలన, అర్హతల నిర్ధారణను గ్రామ పంచాయతీ కార్యదర్శులు చేపడతారు.

• పట్టణాలు / నగరాల్లో: మున్సిపాలిటీలు, కార్పొరేషన్ల పరిధిలో బిల్ కలెక్టర్లు ప్రతి దరఖాస్తును పరిశీలించి అర్హులను గుర్తిస్తారు.

• తుది జాబితా తయారీ: ప్రభుత్వ నిబంధనలు, కోటా ప్రకారం అర్హులైన వారితో తుది జాబితాను సిద్ధం చేసి కొత్త పింఛన్లను మంజూరు చేస్తారు.

నేరుగా బ్యాంక్ ఖాతాల్లోకే నగదు జమ..

గతంలో పింఛన్లను పోస్టాఫీసుల ద్వారా పంపిణీ చేయగా, పారదర్శకత కోసం ఇకపై ప్రభుత్వం నేరుగా లబ్ధిదారుల బ్యాంక్ ఖాతాల్లోకే (DBT) పింఛన్ మొత్తాన్ని జమ చేయనుంది. అర్హత ఉన్న ప్రతి ఒక్కరికీ పింఛన్ అందిస్తామని ప్రభుత్వం స్పష్టం చేయడంతో దరఖాస్తుదారుల్లో హర్షం వ్యక్తమవుతోంది.