Weather Alert: తెలుగు రాష్ట్రాల్లో భానుడు తన ప్రతాపాన్ని చూపిస్తున్నాడు. ఎండ తీవ్రతకు జనం అల్లాడిపోతున్నారు. అయితే, ఉక్కపోతతో సతమతమవుతున్న ప్రజలకు వాతావరణ శాఖ ఒక తీపి కబురు అందించింది.

రాబోయే మూడు రోజుల పాటు ఆంధ్రప్రదేశ్, తెలంగాణ రాష్ట్రాల్లో తేలికపాటి నుండి మోస్తరు వర్షాలు కురిసే అవకాశం ఉందని వెల్లడించింది. దీనివల్ల ఎండ వేడిమి నుంచి కాస్త ఉపశమనం లభించనుంది.

ఎండల తీవ్రత ఇలా ఉంది:
ప్రస్తుతం ఏపీలో కడప, చిత్తూరు వంటి జిల్లాల్లో ఉష్ణోగ్రతలు 43 డిగ్రీలకు చేరుకోగా, తెలంగాణలో ఆదిలాబాద్, హన్మకొండ ప్రాంతాల్లో 40 డిగ్రీల పైన నమోదవుతున్నాయి. వాతావరణంలో ఏర్పడిన మార్పుల వల్ల రానున్న మూడు రోజుల్లో ఉష్ణోగ్రతలు సుమారు 2 నుండి 3 డిగ్రీల వరకు తగ్గే అవకాశం ఉందని అధికారులు అంచనా వేస్తున్నారు.

ఆంధ్రప్రదేశ్‌లో వాతావరణం ఎలా ఉండబోతుందంటే?
అమరావాతి వాతావరణ కేంద్రం తెలిపిన వివరాల ప్రకారం.. కర్ణాటక నుండి రాయలసీమ మీదుగా తమిళనాడు వరకు గాలుల మార్పుల వల్ల ఏపీలో వర్షాలు కురవనున్నాయి.

* ఉత్తర కోస్తా & యానాం: బుధ, గురు, శుక్రవారాల్లో ఉరుములు, మెరుపులతో కూడిన జల్లులు పడవచ్చు. గంటకు 40-50 కిలోమీటర్ల వేగంతో గాలులు వీచే అవకాశం ఉంది.

* దక్షిణ కోస్తా: బుధవారం అక్కడక్కడ వర్షాలు కురిసినా, గురు మరియు శుక్రవారాల్లో మరిన్ని చోట్ల వర్షాలు కురిసే అవకాశం ఉంది.

* రాయలసీమ: మండుతున్న ఎండల మధ్య రాయలసీమలో కూడా రాబోయే రెండు రోజులు ఈదురు గాలులతో కూడిన మోస్తరు వర్షాలు కురిసి, వాతావరణం కాస్త చల్లబడనుంది.

తెలంగాణలో వాతావరణ మార్పులు:
హైదరాబాద్ వాతావరణ కేంద్రం నివేదిక ప్రకారం, ఉత్తర తెలంగాణ పరిసర ప్రాంతాల్లో ఏర్పడిన వాతావరణ ద్రోణి ప్రభావంతో రాష్ట్రవ్యాప్తంగా వాతావరణం మారింది.