జుట్టు రాలడాన్ని తగ్గించి, తిరిగి పెరిగేలా చేసే కొత్త మందులపై పలు కంపెనీలు పరిశోధనలు చేస్తున్నాయి.

ఈ రంగంలో వెరాడెర్మిక్స్‌ అభివృద్ధి చేస్తున్న VDPHL01 కీలకంగా ఉంది. ఇది మినాక్సిడిల్‌ ఆధారిత extended-release నోటి మాత్ర. పురుషులు, మహిళల్లో కనిపించే pattern hair loss కోసం క్లినికల్‌ పరీక్షలు జరుగుతున్నాయి. కంపెనీ ప్రకటించిన అధ్యయనంలో ప్లాసిబోతో పోలిస్తే జుట్టు సంఖ్య పెరిగినట్లు తెలిపింది. అయితే దీనికి ఇంకా నియంత్రణ అనుమతి రాలేదు.

మరో సంస్థ పెలేజ్‌ ఫార్మాస్యూటికల్స్‌ అభివృద్ధి చేస్తున్న PP405 జుట్టు కుదుళ్లలో నిద్రావస్థలో ఉన్న కణాలను తిరిగి చురుకుగా చేయడాన్ని లక్ష్యంగా పెట్టుకుంది. ఇది కూడా ఇంకా క్లినికల్‌ పరిశోధన దశలోనే ఉంది.

Absci అనే బయోటెక్‌ సంస్థ AI సాయంతో రూపొందించిన యాంటీబాడీపై పనిచేస్తోంది. ఇది జుట్టు పెరుగుదలతో సంబంధం ఉన్న prolactin receptorను లక్ష్యంగా చేసుకుంటుంది. ఈ కార్యక్రమంలో Eli Lilly పెట్టుబడి పెట్టింది.

కొత్త మార్గాలు.. పాత జాగ్రత్తలే

ప్రస్తుతం పురుషుల pattern hair lossకు మినాక్సిడిల్‌, ఫినాస్టరైడ్‌ వంటి మందులు అందుబాటులో ఉన్నాయి. అయితే ఫలితాలు వ్యక్తిని బట్టి మారుతాయి. చికిత్స ఆపితే ప్రయోజనం తగ్గే అవకాశం ఉంది.

కొత్త మందుల విషయంలో మాత్రం జాగ్రత్త అవసరం. ప్రారంభ దశలో మంచి ఫలితాలు కనిపించడం మాత్రమే సరిపోదు. పెద్ద సంఖ్యలో రోగులపై పరీక్షల్లో జుట్టు ఎంత పెరుగుతుంది? ఫలితం ఎంతకాలం ఉంటుంది? దుష్ప్రభావాలు ఏమిటి? అన్నది నిర్ధారించాలి.

జుట్టు రాలడానికి కారణాలు కూడా ఒక్కొక్కరిలో ఒక్కోలా ఉంటాయి. అందువల్ల ఒకే మందు అందరికీ పనిచేస్తుందని చెప్పలేం.