ఉత్కంఠభరితంగా జరిగిన ఈ పోరులో.. నిర్ణీత 60 నిమిషాల ఆట ముగిసే సమయానికి స్కోరు 1-1తో సమంగా నిలిచింది. ఆ తర్వాత జరిగిన షూట్-అవుట్‌లో 3-1 తేడాతో నెదర్లాండ్స్ పై అర్జెంటీనా సూపర్ విక్టరీ సాధించి ప్రపంచ ఛాంపియన్‌గా అవతరించింది. ఈ సంచలన విజయంలో కీలక పాత్ర పోషించిన అర్జెంటీనా గోల్‌కీపర్ క్రిస్టినా కోసెంటీనో 'ప్లేయర్ ఆఫ్ ది మ్యాచ్'గా ఎంపికయ్యారు. కాగా, ఉమెన్స్ హాకీ వరల్డ్ లో నెదర్లాండ్స్ తొమ్మిదిసార్లు కప్ సాధించగా.. అర్జెంటీనా మూడుసార్లు విజేతగా నిలిచింది.