సాయుధ దుండగుడిని మట్టుబెట్టిన భద్రతా బలగాలు

ట్రంప్ కు హాని తలపెడతానని గతంలో పోస్టులు

ఘటన సమయంలో శ్వేతసౌధంలోనే ట్రంప్

వాషింగ్టన్ : అమెరికా అధ్యక్ష భవనం శ్వేత సౌధం వద్ద ఆదివారం కాల్పుల కలకలం చోటుచేసుకుంది.

సీక్రెట్ సర్వీస్ చెక్ పాయింట్ వద్దకు దూసుకువచ్చిన సాయుధ దుండగుడు భద్రతా బలగాలపై కాల్పులకు దిగాడు. దీంతో వెంటనే అప్రమత్తమైన పోలీసులు ఎదురుకాల్పులు ప్రారంభించాయి. కాల్పుల్లో దుండగుడు తీవ్ర గాయాలపాలై ఆస్పత్రిలో చికిత్స పొందుతూ మరణించాడు. 15 నుంచి 30 రౌండ్ల కాల్పులు జరిగాయి. మృతుడిని నసీర్ బెస్ట్‌గా గుర్తించారు. కాల్పులు ఘటనను ఎఫ్‌బిఐ చీఫ్ కాష్ పటేల్ ధ్రువీకరించారు.

సీక్రెట్ సర్వీస్ ఏజెంట్లు ఎవరికీ నష్టం జరగలేదన్నారు. దుండగుడిని ఆస్పత్రిలో చేర్చిన తర్వాత ఆ ప్రాంతంలో లాక్‌డౌన్ ఎత్తివేశారు. కాల్పులు ఘటన సమయంలో అధ్యక్షుడు ట్రంప్ వైట్‌హౌస్‌లో ఉన్నారు. ప్రెస్ భ్రీపింగ్ కోసం వచ్చిన జర్నలిస్టులను శ్వేతసౌధంలోని గదికే భద్రత బలగాలు పరిమితం చేశాయి. అధ్యక్షుడు ట్రంప్‌ను టార్గెట్ చేస్తూ ఆన్‌లైన్‌లో పలు పోస్టులు పెట్టినట్టు అధికారులు గుర్తించారు.