సిఐ సుబ్బరాజు అందించిన సమాచారం మేరకు వివరాలు ఇలా ఉన్నాయి. అద్దంకి మండలం పేరాయపాలేనికి చెందిన ఉప్పలపాటి శ్రీనివాస రావు తన కోడలికి యూకెలో ఉద్యోగం నిమిత్తం గుంటూరులో ప్రైవేటు కన్సల్టెన్సీ నిర్వహిస్తున్న రమానందన మామ జె.మోహనరావును 2023లో సంప్రదించారు. ఈ మేరకు అడ్వాన్స్‌గా రూ.లక్ష చెల్లించారు. అన్ని రకాల పత్రాలు పూర్తి చేసిన తరువాత మరో రూ.9.60 లక్షలు చెల్లడించారు. ఆ తర్వాత అటు ఉద్యోగం రాక.. ఇటు చెల్లించిన నగదు వాపసు చేయకపోవడంతో బాధితుడు ఈ ఏడాది జూన్‌లో అద్దంకి పోలీసులకు ఫిర్యాదు చేయగా కేసు నమోదు చేశారు. ఈ మేరకు కన్సల్టెన్సీ నిర్వాహకులైన జె.మోహనరావు, భార్య ఝాన్సీలక్ష్మి, కుమారుడు మధుకర్, కోడలు రమానందనతో పాటు రమానందన తల్లిపై కేసు నమోదైంది. యుకె పౌరసత్వం కలిగిన రమానందన బిగ్‌బాస్ షోకు ఎంపికల నేపథ్యంలో హైదరాబాద్ వచ్చారు. ఈ నేపథ్యంలో శుక్రవారం ఆమె న్యాయవాదిని వెంటబెట్టుకుని అద్దంకి పోలీస్‌స్టేషన్‌కు వచ్చి పోలీసుల నుంచి నోటీసులు తీసుకెళ్లినట్లు సిఐ చెప్పారు.