ఎట్టకేలకు పవన్ కల్యాణ్ దూకుడుగా రాజకీయం చేయడానికి సిద్ధమవుతున్నట్లు కనిపిస్తోంది. ఎంపిటిసి, జెడ్పిటిసి ఎన్నికల ఫలితాల తర్వాత పవన్లో చాలా మార్పు కనిపిస్తోంది.
కాకపోతే పవన్ కల్యాణ్ కాస్త యాక్టివ్గా ఉంటే ఇంకా జనసేనకు మంచి ఫలితాలు వచ్చేవని విశ్లేషకులు అభిప్రాయపడుతున్నారు. 2019 ఎన్నికల్లో ఓటమి తర్వాత కూడా కల్యాణ్లో మార్పు రాలేదు… ఎప్పటిలాగానే పార్ట్ టైమ్ పాలిటిక్స్ చేశారు… అప్పుడప్పుడు రాజకీయాలు చేశారు. దీని వల్ల జనసేనకు పావలా ఉపయోగం లేదు. ఒకవైపు ప్రతిపక్ష టిడిపి పరిస్తితి రోజురోజుకూ దిగజారిపోతుంది… అయినా సరే టిడిపి స్థానాన్ని తాను భర్తీ చేయాలని పవన్ ఎప్పుడు చూడలేదు.
ఏదో అప్పుడప్పుడు ఏపీకి వచ్చి రాజకీయం చేశారు..దీని వల్ల జనసేన పార్టీ బలోపేతం కాలేదు. కానీ ఏదైనా సమస్యపై పవన్ పోరాడితే మంచి స్పందన వస్తుంది. కాకపోతే ఎక్కువ సమస్యలు మీద పవన్ పోరాడలేదు. దీంతో జనసేన మళ్ళీ మూడో స్థానంలోనే కొనసాగుతుంది. ఇప్పుడు ఎంపిటిసి, జెడ్పిటిసి ఎన్నికల ఫలితాల తర్వాత పవన్లో ఫైర్ పెరిగినట్లు కనిపిస్తోంది.
వైసీపీ అరాచకాలు చేయకపోతే జనసేన ఇంకా ఎక్కువ స్థానాల్లో గెలిచేది అని అంటున్నారు. మరి అరాచకాలు చేస్తుంటే పవన్ పోరాడితే సరిపోయేది. ఆ పని చేయకుండా ఇప్పుడు వైసీపీపై ఫైర్ అవ్వడం వల్ల ఉపయోగం లేదు. కానీ ఇకనుంచైనా పవన్ తన ఫైర్ చూపిస్తే జనసేన పికప్ అవ్వొచ్చని తెలుస్తోంది. అలాగే ఇంకా గట్టిగా కష్టపడితే చంద్రబాబు ప్లేస్ని పవన్ కల్యాణ్ రీప్లేస్ చేసే అవకాశం కూడా ఉంది. చూడాలి మరి పవన్ రాజకీయం ఎలా ఉంటుందో?
ఇవి కూడా చదవండి
- ఫ్యాన్స్ మాట: ఈ వార్త చదువు పవన్ !
- నాన్న - మామా… చినబాబు కోసం ఎవరు చేస్తారు త్యాగం!
- మన నేతలు… ఏపీ ద్రోహులు!
