గర్భధారణ సమయంలో ఎలాంటి ఆహారం తీసుకోవాలనే సందేహం ప్రతి కాబోయే అమ్మలోనూ ఉంటుంది. అన్ని కాలాల్లో, చాలా తక్కువ ధరకే దొరికే అరటిపండు ప్రెగ్నెన్సీ టైంలో అమృతం లాంటిదని ఆరోగ్య నిపుణులు చెబుతున్నారు.

ఇది సాధారణ పండే కదా అని అస్సలు తీసిపారేయకండి. గర్భిణీలకు, కడుపులోని బిడ్డకు ఈ చిన్న పండు చేసే మేలు అంతా ఇంతా కాదు. అసలు ప్రెగ్నెన్సీలో అరటిపండు తింటే ఏం జరుగుతుందో ఇప్పుడు సింపుల్‌గా తెలుసుకుందాం!

కడుపులోని బిడ్డ ఎదుగుదలకు సూపర్‌ఫుడ్: గర్భధారణ సమయంలో ఫోలిక్ యాసిడ్ చాలా ముఖ్యం. అరటిపండులో ఉండే ఫోలిక్ యాసిడ్, అవసరమైన విటమిన్లు కడుపులో పెరిగే శిశువు మెదడు, వెన్నెముక ఆరోగ్యకరంగా అభివృద్ధి చెందడానికి అద్భుతంగా తోడ్పడతాయి. ఇక కాబట్టి ప్రెగ్నెన్సీలో ఇది బెస్ట్ చాయిస్.

అలసట మాయం.. తక్షణ శక్తి గ్యారెంటీ: గర్భిణీ స్త్రీలలో తరచుగా నీరసం, అలసట కనిపిస్తుంటాయి. అరటిపండులో ఉండే సహజ చక్కెరలు, ఫైబర్ శరీరానికి వెంటనే కావాల్సిన ఎనర్జీని అందిస్తాయి. ఇక రోజుకు ఒకటి లేదా రెండు అరటిపండ్లు తింటే రోజంతా యాక్టివ్‌గా ఉండవచ్చు.

మలబద్ధకం సమస్యకు చెక్: ప్రెగ్నెన్సీ సమయంలో చాలా మంది మహిళలు ఎదుర్కొనే పెద్ద సమస్య మలబద్ధకం (కాన్స్టిపేషన్). అరటిపండులో ఉండే అధిక ఫైబర్ కంటెంట్ జీర్ణక్రియను మెరుగుపరిచి, మోషన్ ఫ్రీగా అయ్యేలా చేస్తుంది. ఇక దీనివల్ల కడుపు ఉబ్బరం వంటి ఇబ్బందులు తగ్గుతాయి.

రక్తహీనత నుంచి రక్షణ: గర్భిణీలలో ఐరన్ లోపం వల్ల రక్తహీనత (ఎనీమియా) వచ్చే ఛాన్స్ ఉంది. అరటిపండులో ఐరన్ పుష్కలంగా ఉండటం వల్ల శరీరంలో హిమోగ్లోబిన్ స్థాయిలు పెరుగుతాయి. అలాగే, ఇందులోని ట్రిప్టోఫాన్ అనే పదార్థం ఒత్తిడిని తగ్గించి మూడ్‌ని హ్యాపీగా ఉంచుతుంది.

రోగనిరోధక శక్తి, చర్మ సౌందర్యం: అరటిపండులోని విటమిన్ బి6, విటమిన్ సి శరీరానికి రోగనిరోధక శక్తిని ఇస్తాయి. దీనివల్ల జలుబు, ఫ్లూ వంటి సీజనల్ వ్యాధులు దరిచేరవు. అంతేకాదు, ఇందులోని యాంటీఆక్సిడెంట్లు ప్రెగ్నెన్సీ టైంలో చర్మానికి మంచి మెరుపును ఇస్తాయి.