మోదీ యోగా నుంచి రాహుల్ గాంధీ మార్షల్ ఆర్ట్స్ వరకు, అలాగే సీఎం స్టాలిన్ సైక్లింగ్ దాకా అందరి వెనుకా కొన్ని ఆసక్తికరమైన ఫిట్‌నెస్ సీక్రెట్స్ ఉన్నాయి. అవేంటో ఇప్పుడు చూద్దామా..

మోదీ రోజూ 5 గంటలకే నిద్రలేచి యోగా చేస్తారు: మన ప్రధానమంత్రి నరేంద్ర మోదీ ఫిట్‌నెస్ గురించి ప్రత్యేకంగా చెప్పక్కర్లేదు. ఆయన వయసుతో సంబంధం లేకుండా ఎంతో యాక్టివ్‌గా ఉంటారు. దీని వెనుక ఉన్న అసలు రహస్యం ఏంటంటే.. ఆయన రోజూ ఉదయం 5 గంటలకే నిద్రలేచి యోగా చేస్తారట.ఇక క్రమం తప్పకుండా ప్రాణాయామం, ధ్యానం చేయడం వల్ల ఆయనకు రోజంతా సరిపడా ఎనర్జీ లభిస్తుంది. ఇక ఆహారం విషయానికి వస్తే ఆయనకు ఎంతో సింపుల్‌గా ఉండే ‘కిచిడీ’ అంటే చాలా ఇష్టం.

సీఎం స్టాలిన్ సైక్లింగ్ మరియు జిమ్ వర్కవుట్స్: తమిళనాడు ముఖ్యమంత్రి ఎం.కె. స్టాలిన్ కూడా తన ఫిట్‌నెస్‌తో అందరినీ ఆశ్చర్యపరుస్తుంటారు. ఆయన రోజూ ఉదయాన్నే సైక్లింగ్ చేయడం మనం చాలాసార్లు చూశాం. స్టాలిన్ క్రమం తప్పకుండా వాకింగ్, జిమ్‌లో వర్కవుట్స్ చేస్తారు. ఎంత బిజీగా ఉన్నా సరే తన వ్యాయామ సమయాన్ని అస్సలు వదులుకోరు. ఇక అందుకే ఆయన అంత వయసులో కూడా ఎంతో ఉత్సాహంగా పర్యటనలు చేస్తుంటారు.

డీహైడ్రేషన్ కాకుండా ఈ డ్రింక్స్ తాగుతారు!: ఎండల్లో తిరిగేటప్పుడు ఎంత పెద్ద నాయకులైనా డీహైడ్రేషన్ బారిన పడే ప్రమాదం ఉంది కదా! అందుకే మన లీడర్స్ ఎనర్జీ డ్రింక్స్ జోలికి వెళ్లకుండా మన ఇంట్లో దొరికే వాటిపైనే ఎక్కువగా ఆధారపడతారు. వీరంతా ఎక్కువగా కొబ్బరినీళ్లు, చల్లటి మజ్జిగ తాగుతూ ఉంటారు. ఇవి బాడీని వెంటనే రీఛార్జ్ చేయడమే కాకుండా ఒంట్లోని వేడిని కూడా తగ్గిస్తాయి.

రాజకీయ నాయకుల లైఫ్ స్టైల్ చూస్తే మనకు ఒకటి బాగా అర్థమవుతుంది. మనం ఎంత బిజీగా ఉన్నా సరే.. సరైన తిండి, రోజూ కాసేపు వాకింగ్ లేదా వ్యాయామం చేస్తే ఎలాంటి ఒత్తిడినైనా జయించవచ్చు. వాళ్లలాగే మనం కూడా మన ఆరోగ్యంపై కాస్త శ్రద్ధ పెడితే ఎప్పుడూ యాక్టివ్‌గా ఉండొచ్చు.

గమనిక: పైన పేర్కొన్న అంశాలు ఆయా నాయకులు వివిధ ఇంటర్వ్యూలలో, సోషల్ మీడియా వేదికల్లో పంచుకున్న వారి సొంత అలవాట్ల సమాచారం ఆధారంగా ఇవ్వబడ్డాయి. ప్రతి ఒక్కరి శరీర తత్వం వేరుగా ఉంటుంది కాబట్టి ఏదైనా కొత్త డైట్ లేదా వర్కవుట్ మొదలు పెట్టే ముందు నిపుణుల సలహా తీసుకోవడం మంచిది.