వృషభ సంక్రాంతి వచ్చేసింది ఇక 2026 మే 15న సూర్య భగవానుడు వృషభ రాశిలోకి అడుగుపెడుతున్నాడు. ఈ మార్పు కేవలం కాలచక్రంలో భాగం మాత్రమే కాదు, అనేక రాశుల వారి జీవితాల్లో అదృష్టాన్ని తెచ్చే అరుదైన శుభ ఘడియ.

సర్వార్థ సిద్ధి యోగం, బుధాదిత్య యోగాల కలయికతో పేదరికం తొలగిపోయి, ఐశ్వర్యం సిద్ధించే సమయం ఆసన్నమైంది. ఈ రోజు ప్రత్యేకతలేంటో, ఏ రాశుల వారికి అదృష్టం పడుతుందో ఇప్పుడు వివరంగా తెలుసుకుందాం.

వృషభ సంక్రాంతి విశిష్టత: జ్యోతిష్య శాస్త్రం ప్రకారం సూర్యుడు నెలకో రాశి మారుతుంటాడు. దీనినే మనం ‘సంక్రాంతి’ అంటాం. మే 15న సూర్యుడు మేషం నుండి వృషభ రాశిలోకి ప్రవేశిస్తున్నాడు. సాధారణంగా మనం మకర సంక్రాంతినే పెద్ద పండుగగా చేసుకుంటాం కానీ, వృషభ సంక్రాంతి రోజున సూర్యుడిని పూజించడం వల్ల దుఃఖం, పేదరికం నుండి విముక్తి లభిస్తుందని పండితులు చెబుతున్నారు. ఈ రోజు చేసే దానధర్మాలు సకల శుభాలను కలిగిస్తాయి.

పవిత్ర సమయం – యోగాలు: మే 15 ఉదయం 6:28 గంటలకు సూర్యుడి సంచారం మొదలవుతుంది. ఈ రోజున ‘సర్వార్థ సిద్ధి యోగం’ ఉండటం విశేషం. మీరు తలపెట్టిన పనులు దిగ్విజయంగా పూర్తి కావడానికి ఇది సరైన సమయం. ముఖ్యంగా ఉదయం నుంచి సాయంత్రం మధ్యలో సూర్య మంత్రాలను జపించడం వల్ల మీ శరీరంలో సానుకూల శక్తి పెరుగుతుంది. ఇది కేవలం ఆధ్యాత్మికమే కాదు, ఆరోగ్యాన్ని కూడా మెరుగుపరుస్తుంది.

ఈ రాశుల వారికి కాసుల వర్షం: సూర్యుడి రాశి మార్పు వల్ల ముఖ్యంగా ఐదు రాశుల వారికి అదృష్టం తలుపు తట్టబోతోంది. మేషం, మిధునం, సింహం, వృశ్చికం, ధనస్సు రాశుల వారికి ఈ నెల రోజులు (జూన్ 15 వరకు) అద్భుతంగా ఉంటుంది. ఇక ఉద్యోగంలో ప్రమోషన్లు, వ్యాపారంలో భారీ లాభాలు వచ్చే అవకాశం ఉంది. ఆర్థిక ఇబ్బందుల నుంచి బయటపడి, సమాజంలో గౌరవ మర్యాదలు పెరుగుతాయి.

అరుదైన బుధాదిత్య యోగం: మే 15న సూర్యుడు, బుధుడు కలవడం వల్ల ‘బుధాదిత్య యోగం’ ఏర్పడుతోంది. దీనివల్ల నాలుగు రాశుల వారికి మేధోశక్తి పెరిగి, పనుల్లో వేగం వస్తుంది. సమాజంలో పేరు ప్రఖ్యాతులు లభిస్తాయి. గతంలో నిలిచిపోయిన పనులు మళ్ళీ ఊపందుకుంటాయి. ఇక ఈ అరుదైన యోగం వల్ల కొన్ని రాశుల వారికి అనుకోని విధంగా ధనలాభం కలిగి ‘జాక్‌పాట్’ తగిలినంత సంతోషం కలుగుతుంది.