ఏడాది పాటు శిక్షణ ఇచ్చేందుకు అర్హులైన అభ్యర్థుల నుంచి ఆన్‌ లైన్ అప్లికేషన్లకు ఆహ్వానిస్తోంది. మొత్తం 1,346 అప్రెంటిస్ ఖాళీలను భర్తీ చేయనున్నారు. బెంగళూరు (400), మైసూర్ (227), కెజిఎఫ్ (608), పాలాక్కాడ్ (111) కాంప్లెక్స్‌లలో ఈ శిక్షణ అందుబాటులో ఉంటుంది. ఐటీఐ ,డిప్లొమా, గ్రాడ్యుయేషన్ పూర్తి చేసిన అభ్యర్థులు ఈ పోస్టులకు అప్లై చేసుకోవచ్చు. ట్రేడ్ అప్రెంటిస్ (ఫిట్టర్, ఎలక్ట్రీషియన్, టర్నర్, వెల్డర్, మిషినిస్ట్ మొదలైనవి), డిప్లొమా, ఇంజనీరింగ్ గ్రాడ్యుయేట్, జనరల్ గ్రాడ్యుయేట్ విభాగాల్లో ఖాళీలు ఉన్నాయి.

విద్యార్హతలు:
అభ్యర్థులు గుర్తింపు పొందిన యూనివర్సిటీ నుంచి సంబంధిత విభాగాలు.. లేదా ట్రేడ్‌లలో పూర్తి స్థాయి రెగ్యులర్ కోర్సును.. పూర్తి చేసి ఉండాలి. అప్లికేషన్ తేదీ నాటికి గత 3 సంవత్సరాల లోపు ఉత్తీర్ణులైన వారు మాత్రమే అప్లై చేయడానికి అర్హులు. గ్రాడ్యుయేట్ ఇంజనీరింగ్, జనరల్ గ్రాడ్యుయేషన్ (3 సంవత్సరాల బీఎస్సీ, బీకాం, బీసీఏ, బీబీఏ), 3 సంవత్సరాల డిప్లొమా, సంబంధిత ట్రేడ్‌లలో.. (ఫిట్టర్, ఎలక్ట్రీషియన్, టర్నర్, వెల్డర్ మొదలైనవి) ఐటీఐ కోర్సులు చేసిన వారు ఈ అవకాశాన్ని వినియోగించుకోవచ్చు. అయితే.. పార్ట్ టైమ్, డిస్టెన్స్ లేదా ఓపెన్ లెర్నింగ్, కరెస్పాండెన్స్ , ఆన్‌ లైన్ మోడ్‌లో చదివిన వారు, ఇంకా రిజల్ట్ కోసం ఎదురుచూస్తున్న వారు, అలాగే ఇదివరకే అప్రెంటిస్‌ షిప్ చేసినవారు ఈ పోస్టులకు అనర్హులు.

వయోపరిమితి:
అప్లై చేసుకునే నాటికి అభ్యర్థికి కనీసం 17 సంవత్సరాల వయస్సు నిండి ఉండాలి. 17 సంవత్సరాల కంటే.. తక్కువ వయస్సు ఉన్నవారు అప్లై చేయడానికి అర్హులు కారు.

స్టైపెండ్ వివరాలు:
ఎంపికైన అభ్యర్థులకు ఒక సంవత్సరం శిక్షణా కాలంలో.. వారి విద్యార్హత ఆధారంగా.. ప్రతి నెల స్టైపెండ్ చెల్లిస్తారు. గ్రాడ్యుయేట్ అప్రెంటిస్‌లకు (టెక్నికల్ & జనరల్) నెలకు రూ.12,300, డిప్లొమా అభ్యర్థులకు రూ.10,900, ఐటీఐ అభ్యర్థులకు వారు ఎంచుకున్న ట్రేడ్‌ను బట్టి నెలకు రూ.9,600 లేదా రూ.10,560 చొప్పున లభిస్తుంది.

ఎంపిక విధానం, అప్లికేషన్ ఫీజు:
ఈ భర్తీ ప్రక్రియకు అభ్యర్థులు ఎలాంటి ఫీజు చెల్లించాల్సిన అవసరం లేదు. అలాగే.. ఎలాంటి రాత పరీక్ష లేదా ఇంటర్వ్యూలు నిర్వహించకుండా.. అభ్యర్థులు తమ క్వాలిఫైయింగ్ పరీక్షల్లో.. సాధించిన మార్కుల శాతం ఆధారంగా మెరిట్ లిస్ట్ రూపొందిస్తారు. ఆ తర్వాత ప్రతి పోస్టుకు 1:5 నిష్పత్తిలో.. అభ్యర్థులను డాక్యుమెంట్ వెరిఫికేషన్‌కు పిలుస్తారు. సీజీపీఏ ఉన్న వారు తప్పని సరిగా తమ కాలేజీ లేదా యూనివర్సిటీ జారీ చేసిన పర్సంటేజ్ కన్వర్షన్ సర్టిఫికేట్‌ సబ్మిట్ చేయాల్సి ఉంటుంది.

అప్లై చేసుకునే విధానం:
ఆసక్తి ఉన్న అభ్యర్థులు అప్లికేషన్ రెండు దశల్లో పూర్తి చేయాలి. మొదటి దశలో భాగంగా, ఐటీఐ అభ్యర్థులు NAPS పోర్టల్‌లో (apprenticeshipindia.gov.in), డిగ్రీ లేదా డిప్లొమా అభ్యర్థులు NATS పోర్టల్‌లో (nats.education.gov.in) వివరాలు ఎంటర్ చేసుకుని తమ ప్రొఫైల్‌ను 100% పూర్తి చేయాలి. ఆ తర్వాత రెండవ దశలో, ఆ పోర్టల్స్ ద్వారా వచ్చిన ఎన్‌రోల్‌మెంట్ నంబర్‌తో BEML అధికారిక వెబ్‌సైట్ (recruitment.bemlindia.in) లోకి లాగిన్ అయ్యి, 'Apprentices' విభాగంలో రిజిస్టర్ చేసుకోవాలి. తర్వాత వ్యక్తిగత, విద్యా వివరాలు, DBT-యాక్టివేటెడ్ బ్యాంక్ అకౌంట్ వివరాలు ఎంటర్ చేసి, అవసరమైన సర్టిఫికెట్లు, ఫోటో, సంతకం అప్‌లోడ్ చేసి ఆన్‌లైన్‌లో అప్లై చేసుకోవాల్సి ఉంటుంది.