ఐసెట్‌లో అర్హత సాధించిన విద్యార్థులు ఆన్‌లైన్ రిజిస్ట్రేషన్, సర్టిఫికేట్ల అప్‌లోడ్ ,ఫీజు చెల్లింపు ప్రక్రియను చివరి తేదీ లోగా పూర్తి చేయాల్సి ఉంటుంది. ఆగస్టు 24 నుంచి ఆన్‌లైన్ రిజిస్ట్రేషన్ ప్రక్రియ ప్రారంభం కానుండగా.. సెప్టెంబర్ 1 నుంచి సర్టిఫికెట్ వెరిఫికేషన్, ఆగస్టు 27 నుంచి వెబ్ ఆప్షన్ల నమోదు ప్రక్రియలు జరుగుతాయి. దీనికి సంబంధించి మరిన్ని వివరాలు ఇప్పుడు తెలుసుకుందాం.

రిజిస్ట్రేషన్:
కౌన్సెలింగ్‌లో పాల్గొనాలనుకునే అర్హులైన అభ్యర్థులు ఆన్‌లైన్ ద్వారా రిజిస్ట్రేషన్ చేసుకోవడంతో పాటు, అవసరమైన సర్టిఫికేట్లను అప్‌లోడ్ చేసి ప్రాసెసింగ్ ఫీజు చెల్లించాల్సి ఉంటుంది. ఈ ప్రక్రియ ఆగస్టు 24 నుంచి ఆగస్టు 31 వరకు అందుబాటులో ఉంటుంది. ఇందుకోసం అభ్యర్థులు తమ ఒరిజినల్ సర్టిఫికేట్లన్నింటినీ సిద్ధంగా ఉంచుకోవాలి.

ఆన్‌లైన్ సర్టిఫికేట్ వెరిఫికేషన్:
అభ్యర్థులు అప్‌లోడ్ చేసిన డాక్యుమెంట్ వెరిఫికేషన్ అధికారులు ఆగస్టు 25 నుంచి సెప్టెంబర్ 1 వరకు ఆన్‌లైన్ విధానంలో పరిశీలిస్తారు. ఒకవేళ ఏదైనా సమస్య ఉంటే.. విద్యార్థులకు తగిన సూచనలు అందించడం జరుగుతుంది.

వెబ్ ఆప్షన్లు:
అభ్యర్థులకు అత్యంత కీలకమైన వెబ్ ఆప్షన్ల ప్రక్రియ.. ఆగస్టు 27 నుంచి సెప్టెంబర్ 2 వరకు నిర్వహించనున్నారు. తమకు నచ్చిన కాలేజీలు, కోర్సులను ప్రాధాన్యత క్రమంలో ఆన్‌లైన్‌లో నమోదు చేయాల్సి ఉంటుంది. ఒకవేళ నమోదు చేసిన ఆప్షన్లలో ఏవైనా మార్పులు చేసుకోవాలనుకుంటే.. సెప్టెంబర్ 3న ఒక రోజు ఎడిట్ ఆప్షన్ కల్పిస్తారు.

సీట్ల కేటాయింపు, రిపోర్టింగ్:
అభ్యర్థులు పెట్టిన వెబ్ ఆప్షన్ల ఆధారంగా సీట్ల కేటాయింపు ఫలితాలను సెప్టెంబర్ 7న విడుదల చేయనున్నారు. సీట్లు పొందిన వారు సెప్టెంబర్ 8 నుంచి సెప్టెంబర్ 11వ తేదీ మధ్య సంబంధిత కాలేజీల్లో రిపోర్ట్ చేసి అడ్మిషన్ ఖరారు చేసుకోవాల్సి ఉంటుంది.