అర్హత గల అభ్యర్థులు 16 జూన్ నుంచి 15 జులై వరకు dsssbonline.nic.in వెబ్‌సైట్ ద్వారా ఆన్‌లైన్‌లో అప్లై చేసుకోవచ్చు. పోస్టును బట్టి విద్యార్హతలను నిర్ణయించారు. నియామకాలు 200 మార్కుల కంప్యూటర్ ఆధారిత పరీక్ష (CBT) ఆధారంగా జరుగుతాయి. ఈ నోటిఫికేషన్ కు సంబంధించిన మరిన్ని వివరాలు ఇప్పుడు తెలుసుకుందాం.

ముఖ్యమైన తేదీలు:
ఆన్‌లైన్ అప్లికేషన్లు జూన్ 16 మధ్యాహ్నం 12 గంటల నుంచి ప్రారంభమవుతాయి. అప్లై చేయడానికి చివరి తేదీ 15 జూలై (రాత్రి 11:59 గంటల వరకు).

ఖాళీల వివరాలు:
ఈ నోటిఫికేషన్‌లో అత్యధికంగా డైరెక్టరేట్ ఆఫ్ ఎడ్యుకేషన్‌లో టీజీటీ (కంప్యూటర్ సైన్స్) - 675 పోస్టులు, స్పెషల్ ఎడ్యుకేటర్ (ప్రైమరీ) 450 పోస్టులు ఉన్నాయి. అలాగే ఎఫ్ఎస్‌ఎల్‌లో జూనియర్ సైంటిఫిక్ అసిస్టెంట్ (JSA)పోస్టులు, ఐటీ అసిస్టెంట్ గ్రేడ్-A(125 పోస్టులు), ఫిట్టర్, లిఫ్ట్ ఆపరేటర్ వంటి సాంకేతిక పోస్టులు ఉన్నాయి.

విద్యార్హతలు:
ఐటీ అసిస్టెంట్ పోస్టులకు ఇంటర్ పాస్‌తో పాటు టైపింగ్ స్పీడ్ ఉండాలి. టీచింగ్ పోస్టులకు సంబంధిత సబ్జెక్టులో గ్రాడ్యుయేషన్, B.Ed,CTETఅర్హత అవసరం. సైంటిఫిక్ పోస్టులకు సంబంధిత సైన్స్ సబ్జెక్టుల్లో మాస్టర్స్ డిగ్రీ లేదా బీఈ,బీటెక్ అర్హత కలిగి ఉండాలి.

జీతం: ఈ ఉద్యోగాలకు ఎంపికైన వారికి పోస్టును బట్టి నెలకు రూ. 19,900 నుంచి రూ. 1,42,400 వరకు (పే లెవెల్ 2 నుంచి లెవెల్ 7) జీతం లభిస్తుంది.

వయోపరిమితి:
సైంటిఫిక్, ఐటీ అసిస్టెంట్ పోస్టులకు 18 నుంచి 27 ఏళ్లు, టీచింగ్ పోస్టులకు గరిష్టంగా 30 ఏళ్లు, ఇతర సాంకేతిక పోస్టులకు 32 నుంచి 37 ఏళ్ల లోపు ఉండాలి. కేంద్ర ప్రభుత్వ నిబంధనల ప్రకారం వయోసడలింపు వర్తిస్తుంది.

అప్లికేషన్ ఫీజు:
జనరల్/ఓబీసీ అభ్యర్థులకు అప్లికేషన్ ఫీజు రూ.100 కాగా, మహిళలు, ఎస్సీ, ఎస్టీ,దివ్యాంగులు, మాజీ సైనికులకు ఫీజు నుంచి మినహాయింపు ఉంది.

ఎంపిక విధానం:
అభ్యర్థులను వన్ టైర్ కంప్యూటర్ ఆధారిత పరీక్ష ద్వారా ఎంపిక చేస్తారు. ఈ పరీక్ష 200 మార్కులకు ఉంటుంది. ఇందులో.. ప్రతి తప్పు సమాధానానికి 0.25 నెగటివ్ మార్కింగ్ ఉంటుంది. జనరల్ కేటగిరీకి కనీస అర్హత మార్కులు 40% గా నిర్ణయించారు.

అప్లికేషన్ ప్రక్రియ:
ఆసక్తి గల అభ్యర్థులు dsssbonline.nic.in పోర్టల్ ద్వారా మాత్రమే అప్లై చేసుకోవాలి.