తెలంగాణ వ్యాప్తంగా ఉన్న ప్రభుత్వ, ప్రైవేట్ డిగ్రీ కాలేజీలు, యూనివర్సిటీల్లో అసిస్టెంట్ ప్రొఫెసర్, లెక్చరర్ ఉద్యోగాలకు అర్హత సాధించడానికి రాసే 'తెలంగాణ రాష్ట్ర అర్హత పరీక్ష' (TG SET) 2026 నోటిఫికేషన్ వచ్చేసింది.

ఈసారి కూడా ఉస్మానియా యూనివర్సిటీనే ఈ ఎగ్జామ్స్ నిర్వహిస్తోంది. అక్టోబర్‌లో ఆన్‌లైన్ పద్ధతిలో ఈ పరీక్షలు జరగనున్నాయి. మొత్తం 300 మార్కులకు ఉండే ఈ ఎగ్జామ్ గురించిన మరిన్ని వివరాలు ఇప్పుడు తెలుసుకుందాం..

టీజీ సెట్ 2026 నోటిఫికేషన్.. పూర్తి వివరాలు:
అసిస్టెంట్ ప్రొఫెసర్, లెక్చరర్ పోస్టులకు పోటీ పడాలంటే 'తెలంగాణ స్టేట్ ఎలిజిబిలిటీ టెస్ట్' (TG SET) పాస్ కావడం తప్పనిసరి. ఈ నేపథ్యంలోనే.. 2026 సంవత్సరానికి సంబంధించిన టీజీ సెట్ షార్ట్ నోటిఫికేషన్‌ను ఉస్మానియా విశ్వవిద్యాలయం తాజాగా విడుదల చేసింది. ఉన్నత విద్యా రంగంలో.. స్థిరపడాలనుకునే వేలాది మంది నిరుద్యోగులకు ఇదొక సువర్ణావకాశం.

అక్టోబర్‌లో పరీక్షలు:
తాజా సమాచారం ప్రకారం.. ఈ ఏడాది తెలంగాణ సెట్ పరీక్షలను అక్టోబర్ నెలలో నిర్వహించనున్నారు. రాష్ట్ర వ్యాప్తంగా ఉన్న వివిధ ప్రధాన నగరాలు, పట్టణాల్లో పరీక్షా కేంద్రాలను ఏర్పాటు చేయనున్నారు. అభ్యర్థులు తమకు అనుకూలమైన కేంద్రాన్ని ఎంచుకునే.. అవకాశం ఉంటుంది.

ఆన్‌లైన్ విధానంలోనే ఎగ్జామ్:
గత కొన్నేళ్లుగా మారుతున్న సాంకేతికతకు అనుగుణంగా ఈ పరీక్షను పూర్తిగా కంప్యూటర్ ఆధారిత పరీక్ష (CBT - Computer Based Test) విధానంలోనే.. నిర్వహిస్తున్నారు. ఓఎంఆర్ షీట్ కాకుండా ఆన్‌లైన్‌లోనే అభ్యర్థులు సమాధానాలను గుర్తించాల్సి ఉంటుంది.

పరీక్ష విధానం, మార్కుల వివరాలు:
టీజీ సెట్ పరీక్ష మొత్తం 300 మార్కులకు ఉంటుంది. ఇందులో రెండు పేపర్లు ఉంటాయి. అభ్యర్థులు ఈ రెండు పేపర్లను కలిపి మొత్తం 3 గంటల (180 నిమిషాలు) వ్యవధిలో.. పూర్తి చేయాల్సి ఉంటుంది. పరీక్షల మధ్య ఎలాంటి విరామం (బ్రేక్) ఉండదు.

పేపర్ 1: ఇది జనరల్ పేపర్. అందరు అభ్యర్థులకు ఇది ఒకే విధంగా ఉంటుంది. ఇందులో టీచింగ్ , రీసెర్చ్ ఆప్టిట్యూడ్‌కు సంబంధించిన ప్రశ్నలు అడుగుతారు. మొత్తం 50 ప్రశ్నలు ఉంటాయి, ఒక్కో ప్రశ్నకు రెండు మార్కుల చొప్పున 100 మార్కులు కేటాయించారు. ఇది కేవలం అర్హత పరీక్ష మాత్రమే.