చిన్న పాత్రలతో కెరీర్ ప్రారంభించి..పెద్ద ప్రాజెక్టుల్లో ఛాన్స్ కొట్టేస్తూ ముందుకెళ్తున్నాడు యువ నటుడు ప్రియదర్శి పులికొండ. తనదైన స్పెషల్ కామెడీ టచ్తో ఆడియెన్స్ ను ఎంటర్ టైన్ చేయడం ప్రియదర్శికున్న ప్రత్యేకత. పెళ్లి చూపులు సినిమాలో టైం అంటే కౌశిక్..కౌశిక్ అంటే టైం అని ప్రియదర్శి చెప్పే డైలాగ్స్ చాలా ఫేమస్ అయ్యాయి. అయితే తాను కమెడియన్ ఇమేజ్ నుంచి బయటకు రావాలనుకుంటున్నట్టు చెప్పాడు ప్రియదర్శి.
ఓ నటుడిగా కంపార్టబుల్ జోన్ నుంచి దూరంగా రావాలనుకుంటున్నా. ఛాలెంజింగ్ ఎలిమెంట్స్ తో కూడి పాత్రలతో కొత్త ప్రపంచంలోకి అడుగుపెట్టాలి. కమెడియన్ ఇమేజ్ నుంచి బయటకు రావాలి. ప్రజల కోసం ఈ ఇమేజ్ ను నాకిచ్చారు.
కానీ ఓ యాక్టర్ గా తనకు ఏ ఆఫర్ వచ్చినా చేయగలగాలి అంటూ చెప్పుకొచ్చాడు. మల్లేశం సినిమాతో హీరోగా కూడా మారాడు ప్రియదర్శి. క్రైం థ్రిల్లర్ సిరీస్ ఇన్ ది నేమ్ ఆఫ్ గాడ్ లో కనిపించనున్నాడు ప్రియదర్శి.