పాఠశాలలు తెరవక ముందే పాఠ్య పుస్తకాలను జిల్లా గోడౌన్ నుండి పాల్వంచకు తీసుకొచ్చి అందివడం జరిగింది. పాల్వంచ మండలంలో ఉన్న 75 మండల పరిషత్, జిల్లా పరిషత్, ఎయిడెడ్‌, కేజీబీవీ పాఠశాలలకు ఎంఈఓ పంపిణీ చేశారు. ఈ సందర్భంగా ఆయన మాట్లాడుతూ.. రాష్ట్ర విద్యాశాఖ ఈ సంవత్సరం అన్ని ప్రభుత్వ పాఠశాలకు UDISE ప్రకారం పాఠ్య పుస్తకాలు, నోటు పుస్తకాలను ముందుగానే సిద్ధం చేసి పంపించడం జరిగిందని తెలిపారు. జూన్ 12వ తేదీన పాఠశాల ప్రారంభం రోజు విద్యార్థులకు పాఠ్య పుస్తకాలు, నోట్ పుస్తకాలు పంపిణీ చేస్తామని చెప్పారు. ఈ కార్యక్రమంలో పాఠశాల ప్రధానోపాధ్యాయులు సీఆర్పీలు, ఉపాధ్యాయులు పాల్గొన్నారు.