వివరాల్లోకి వెళ్తే.. కొత్తగూడెం పట్టణానికి చెందిన ములుగురి రమేష్(40) అనే సాఫ్ట్‌వేర్ ఉద్యోగి తన భార్య రాధికతో కలిసి హైదరాబాద్-కూకట్‌పల్లి దేవినగర్ ప్రాంతంలో నివసిస్తున్నాడు. అయితే భార్య రాధిక జన్మదిన వేడుకల అనంతరం అందరూ కలిసి ట్యాంక్‌బండ్‌కు వెళ్లాలని నిర్ణయించుకోగా, తాను రాలేనని చెప్పి రమేష్ ఇంట్లో ఉండిపోయాడు.

రాధిక తన అక్క, తమ్ముడితో కలిసి ట్యాంక్‌బండ్‌కు వెళ్లగా, “పొరపాటు జరిగి ఉంటే సారీ.. గుడ్‌బై” అంటూ రమేష్‌ రాధిక ఫోన్‌కు మెసేజ్ పంపాడు. ఆందోళనతో ఇంటికి వెళ్లి చూడగా అప్పటికే ఉరివేసుకుని ఆత్మహత్య చేసుకున్న రమేష్‌ను గుర్తించి పోలీసులకు ఫిర్యాదు చేశారు. సంఘటన స్థలానికి చేరుకున్న పోలీసులు కేసు నమోదు చేసుకొని దర్యాప్తు చేపట్టారు.