మూడు మ్యాచ్‌ల సిరీస్‌లో భాగంగా శుక్రవారం జరిగిన తొలి టీ20లో భారత్‌ 38 పరుగుల తేడాతో ఘనవిజయం సాధించింది. టాస్‌ ఓడి బ్యాటింగ్‌కు దిగిన భారత్‌ నిర్ణీత 20 ఓవర్లలో 188/7 స్కోరుచేసింది. స్టాండిన్‌ కెప్టెన్‌ స్మృతి మంధాన (0) డకౌటవ్వగా.. మరో ఓపెనర్‌ షఫాలీ వర్మ (2) కూడా నిరాశపరిచింది.

ఈ దశలో జెమీమా, భాటియా కౌంటర్‌ ఎటాక్‌కు దిగి మూడో వికెట్‌కు 126 పరుగుల భాగస్వామ్యం నెలకొల్పారు.చివర్లో దీప్తి శర్మ (22 నాటౌట్‌) వేగంగా ఆడింది. అనంతరం భారీ ఛేదనలో ఇంగ్లండ్‌ ఓవర్లన్నీ ఆడి 150/8 స్కోరు మాత్రమే చేసి ఓడిపోయింది. ఎమీ జోన్స్‌ (67) ఒంటరి పోరాటం చేసింది. భారత అరంగేట్రం పేసర్‌ నందిని శర్మ (3/34) ఆ జట్టును దెబ్బకొట్టగా.. క్రాంతి గౌడ్‌ రెండు వికెట్లు పడగొట్టింది. జెమీమాకు ప్లేయర్‌ ఆఫ్‌ ది మ్యాచ్‌ అవార్డు లభించింది. ఇరు జట్ల మధ్య రెండో టీ20 శనివారం జరుగుతుంది.