ఆదర్శ పాఠశాల జూనియర్ కళాశాల ప్రిన్సిపాల్ ఉపేందర్ రావు నవతెలంగాణ-నెల్లికుదురు
మండల కేంద్రంలోని తెలంగాణ ఆదర్శ జూనియర్ కళాశాలలో ఇంటర్ మొదటి సంవత్సరం ప్రవేశాలకు దరఖాస్తులు ఆహ్వానిస్తున్నట్లు ప్రిన్సిపల్ ఉపేందర్ రావు శనివారం తెలిపారు.

ఈ సందర్భంగా ఆయన మాట్లాడుతూ ప్రభుత్వం నిర్ణయించిన షెడ్యూల్ ప్రకారం మే 13 నుంచి 25 వరకు దరఖాస్తులు స్వీకరించనున్నట్లు పేర్కొన్నారు. ఎంపికైన విద్యార్థుల జాబితాను మే 27న ప్రకటించి, మే 28 నుంచి 30 వరకు ధృవపత్రాల పరిశీలనతో పాటు ప్రవేశ ప్రక్రియ నిర్వహించనున్నట్లు తెలిపారు. కళాశాలలో MPC, BiPC, CEC, ACE కోర్సులు అందుబాటులో ఉన్నాయని తెలిపారు. ACE గ్రూపులో అకౌంటెన్సీ, కామర్స్, ఎకనామిక్స్ సబ్జెక్టులు బోధించబడతాయని పేర్కొన్నారు.

పదో తరగతిలో సాధించిన మెరిట్ ఆధారంగా విద్యార్థులకు ప్రవేశాలు కల్పించనున్నట్లు వెల్లడించారు.కళాశాలలో అనుభవజ్ఞులైన అధ్యాపకులతో నాణ్యమైన విద్య అందిస్తున్నామని తెలిపారు. బాలికల కోసం 100 మంది విద్యార్థినులకు ఉచిత హాస్టల్ సదుపాయం కల్పించబడినందున జిల్లాలో ఏ ప్రాంతానికి చెందిన విద్యార్థులైనా దరఖాస్తు చేసుకోవచ్చని తెలిపారు. మెరిట్ ప్రకారం ప్రవేశాలు కల్పిస్తామని పేర్కొన్నారు.విద్యార్థులకు ఉచిత విద్యతో పాటు పాఠ్యపుస్తకాలు, యూనిఫాం, మధ్యాహ్న భోజనం వంటి సౌకర్యాలు అందుబాటులో ఉంటాయని తెలిపారు. పదో తరగతిలో మంచి ఫలితాలు సాధించిన విద్యార్థులు ఈ అవకాశాన్ని వినియోగించుకోవాలని ప్రిన్సిపల్ కోరారు.