నవతెలంగాణ-ఆలేర్ రూరల్ ఆలేరు మండలం రాఘవాపురం గ్రామంలో పి ఏ సి ఎస్ నిర్వహిస్తున్న వడ్ల కొనుగోలు కేంద్రంలో హమాలీ కార్మికుల కోసం ఉచిత మజ్జిగ పంపిణీ కార్యక్రమాన్ని నిర్వహించారు.

ఈ కార్యక్రమాన్ని పరిదే సంతోష్ ప్రారంభించగా.. గ్రామ సర్పంచ్ పరిదే మమత ఆధ్వర్యంలో జరిగింది. ఎండ తీవ్రతలో పనిచేస్తున్న హమాలీ కార్మికులకు ఉపశమనం కలిగించేందుకు మజ్జిగ పంపిణీ చేయడం సంతోషకరమని నిర్వాహకులు తెలిపారు. ఈ సందర్భంగా రైతులు, కార్మికులు అభినందించారు. ఈ కార్యక్రమంలో ఏఈఓ చిన్నం శివకుమార్, ఇంచార్జి మద్దెల సాయికుమార్, రైతులు గవ్వల మల్లయ్య, గవ్వల సాయి మల్లయ్య, హమాలీ కార్మికులు మేకల రాములు, మేకల శ్రీనివాస్, బండ సిద్దులు, బండ మల్లేష్, ఉప్పలి నర్సింహులు, వస్పరి రాజయ్య తదితరులు పాల్గొన్నారు.