Friday, 02 Oct, 4.46 am నవ తెలంగాణ

రాష్ట్రీయం
కార్మికులను విధుల్లోకి తీసుకోవాలి

- టర్బోవెంట్‌ పరిశ్రమ ముందు ధర్నా
నవతెలంగాణ-మెదక్‌ డెస్క్‌
టర్బోవెంట్‌ పరిశ్రమలో అక్రమంగా తొలగించిన కార్మికులను వెంటనే విధుల్లోకి తీసుకోవాలని సీఐటీయూ సంగారెడ్డి జిల్లా కోశాధికారి జి.సాయిలు డిమాండ్‌ చేశారు. గురువారం కంది మండలం చేర్యాల గ్రామ పరిధిలోని టర్బోవెంట్‌ పరిశ్రమ ముందు సీఐటీయూ ఆధ్వర్యంలో ధర్నా నిర్వహించారు. ఈ సందర్భంగా ఆయన మాట్లాడుతూ.. పరిశ్రమలో 112 మంది కార్మికులు ఉంటే ఎలాంటి సమాచారం లేకుండా 54 మందిని తొలగిస్తున్నట్టు గురువారం నోటీస్‌ బోర్డ్‌ మీద వేశారన్నారు. ఇది పూర్తిగా కార్మిక వ్యతిరేక చర్య అన్నారు. కార్మిక చట్టాల నిబంధనలను పాటించకుండా ఇష్టారాజ్యంగా కార్మికులను తొలగించడం సరైంది కాదన్నారు. వెంటనే కార్మికులను విధుల్లోకి తీసుకోవాలని డిమాండ్‌ చేశారు. యాజమాన్యం మీద చర్యలు తీసుకోవాలని లేబర్‌ కమిషన్‌ అధికారులను కోరారు. లేదంటే ఆందోళన ఉధృతం చేస్తామని హెచ్చరించారు. ధర్నాలో యూనియన్‌ నాయకులు హనుమంత్‌ రెడ్డి, అభరు, ప్రదీప్‌ భేమర, రవి, కుమార్‌, శరత్‌, రంబరిస్‌, సంతోష్‌, కార్మికులు పాల్గొన్నారు.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Navatelangana
Top