ఈ నేపథ్యంలో, ఘటనకు దారితీసిన పరిస్థితులు, అస్వస్థతకు గురైన విద్యార్థినుల సంఖ్య వారి ప్రస్తుత ఆరోగ్య పరిస్థితి, అందించిన వైద్య చికిత్స, వసతి గృహంలో ఆహార నాణ్యత, పరిశుభ్రత, పారిశుద్ధ్యంపై నిర్వహించిన విచారణ ఫలితాలు, బాధ్యులపై తీసుకున్న చర్యలపై సమగ్ర నివేదికను సమర్పించాలని జిల్లా కలెక్టర్ను ఆదేశించింది. ఇలాంటి ఘటనలు పునరావృతం కాకుండా తీసుకున్న నివారణ, సరిదిద్దే చర్యల గురించి తెలపాలని కోరింది. నివేదిక సమర్పణ కోసం కేసును ఈనెల ఏడో తేదీకి వాయిదా వేసింది.